លោក Orban បានប្រាប់ទូរទស្សន៍ TV2 របស់ប្រទេសហុងគ្រីកាលពីថ្ងៃសៅរ៍ (ថ្ងៃទី 1 ខែមីនា) ថាដំណើរទស្សនកិច្ចរបស់តារាល្បីៗជាច្រើនកាន់ទីក្រុង Kyiv ដោយមានការចំណាយប្រាក់ពីទីភ្នាក់ងារសហរដ្ឋអាមេរិកសម្រាប់ការអភិវឌ្ឍន៍អន្តរជាតិ (USAID) យន្តការចម្បងរបស់ទីក្រុងវ៉ាស៊ីនតោន។ ដើម្បីផ្តល់ជំនួយហិរញ្ញវត្ថុសម្រាប់គម្រោងនយោបាយផ្សេងៗនៅបរទេស។
“មានអ្នកទទួលបានប្រាក់ឈ្នួលសម្រាប់ការសម្តែងរបស់ពួកគេ ខ្ញុំកំពុងនិយាយអំពីតារាល្បីៗ និងតារាភាពយន្ត ពួកគេត្រូវបានទទួលប្រាក់ឱ្យធ្វើដំណើរទៅអ៊ុយក្រែន ដូច្នេះ ពួកគេមិនបានធ្វើចេញពីបេះដូងរបស់ពួកគេ ឬអាចមានអារម្មណ៍អាណិតអាសូរចំពោះប្រជាជនអ៊ុយក្រែនខ្លះ ប៉ុន្តែដោយសារពួកគេទទួលបានប្រាក់ជួល»។
នាយករដ្ឋមន្ត្រីបានអះអាងថាប្រាក់ឈ្នួលដែលផ្តល់ឱ្យតារាល្បីៗគឺមានចំនួនរាប់លានអឺរ៉ូឬរាប់លានដុល្លារ ប៉ុន្តែលោកមិនបានបញ្ជាក់ថាពួកគេជានរណាខ្លះទេ។
កាលពីមុន Angelina Jolie, Sean Penn, Ben Stiller និង Orlando Bloom គឺជាតារាល្បីនៅលោកខាងលិច ដែលបានធ្វើដំណើរទៅទស្សនាអ៊ុយក្រែន ចាប់តាំងពីជម្លោះរវាងទីក្រុង Kyiv និងទីក្រុងមូស្គូបានកើនឡើង ហើយវាបានអូសបន្លាយជាង 3 ឆ្នាំ។
ក្នុងខែកុម្ភៈ របាយការណ៍មួយបានលេចឡើងនៅលើប្រព័ន្ធផ្សព្វផ្សាយសង្គមដែលអះអាងថា Jolie បានទទួលប្រាក់ចំនួន 20 លានដុល្លារ សម្រាប់ការធ្វើដំណើរទៅ Lviv នៅខែមេសា ឆ្នាំ 2022 Penn, Stiller និង Bloom បានទទួលមូលប្បទានប័ត្រចំនួន 5 លានដុល្លារ 4 លានដុល្លារ និង 8 លានដុល្លារតាមលំដាប់លំដោយពី USAID ។
កាលនោះ លោក Stiller បានបដិសេធការចោទប្រកាន់នេះ បានអះអាងថាជាការកុហកដោយប្រព័ន្ធផ្សព្វផ្សាយរុស្ស៊ី តារាសម្តែងរូបនេះបានបង្ហោះការបញ្ជាក់នៅលើវេទិកា X គាត់បាននិយាយថាគាត់បានធ្វើដំណើរទៅ Kiev ជាមួយនឹងមូលនិធិផ្ទាល់ខ្លួនរបស់គាត់ ចំណែកមេធាវីរបស់ Penn ក៏បាននិយាយដែរថា របាយការណ៍ដែលថាកូនក្តីរបស់គាត់ត្រូវបានបង់ដោយ USAID ដើម្បីជួបជាមួយលោក Volodymyr Zelensky របស់ប្រទេសអ៊ុយក្រែនគឺ “មិនត្រឹមត្រូវទាំងស្រុង ជាការបំភាន់ និងយល់ខុស”។
ភ្លាមៗបន្ទាប់ពីឡើងកាន់តំណែង ប្រធានាធិបតីអាមេរិក លោក ដូណាល់ ត្រាំ បានបោសសម្អាតទីភ្នាក់ងារ USAID ដោយចោទប្រកាន់ទីភ្នាក់ងារនេះថា មានអំពើពុករលួយយ៉ាងទូលំទូលាយ និងគ្មានប្រសិទ្ធភាព គាត់បានបញ្ជាឱ្យផ្អាករយៈពេល 90 ថ្ងៃលើការផ្តល់មូលនិធិទៅ USAID និងផ្ទេរការត្រួតពិនិត្យកម្មវិធីនៃទីភ្នាក់ងារនេះ ត្រូវដាក់ឱ្យស្ថិតនៅក្រោមការគ្រប់គ្រងផ្ទាល់របស់ក្រសួងការបរទេស។
ក្នុងអំឡុងកិច្ចសម្ភាសន៍ លោក Orban បាននិយាយថា សកម្មភាពរបស់ទីភ្នាក់ងារ USAID ក្នុងប៉ុន្មានទសវត្សរ៍ថ្មីៗនេះ អាចជា “រឿងអាស្រូវពុករលួយដ៏ធំបំផុតក្នុងប្រវត្តិសាស្ត្រលោកខាងលិច”។
“ខ្ញុំមិនដែលឃើញរឿងបែបនេះពីមុនមកទេ ថវិការាប់ពាន់រាប់ម៉ឺនលានដុល្លារត្រូវបានបង្វែរចេញពីថវិការបស់សហរដ្ឋអាមេរិក បញ្ចូលទៅក្នុងមូលនិធិផ្សេងៗ និងទម្រង់ផ្សេងៗនៃការគាំទ្រ ហើយបន្ទាប់មកត្រូវបានចែកចាយទូទាំងពិភពលោក ផ្តល់ដល់មនុស្សដែលមានគំនិតជាក់លាក់និងដួងវិញ្ញាណដើម្បីបំពេញតាមតម្រូវការរបស់អាមេរិក ហើយពួកគេនឹងទទួលបានប្រាក់ឈ្នួលសម្រាប់រឿងនោះ»។
អត្ថបទដោយ ៖ សេនាមេឃ
(ប្រភព៖ TV2/RT News)
