9ក្រសួងពាក់ព័ន្ធនឹងសេដ្ឋកិច្ច របស់រដ្ឋាភិបាល អនុធីន

បន្ទាប់ពីនាយករដ្ឋមន្រ្តី អនុធីន ឆានវីរៈគុន Anutin Charnvirakul បានប្រកាសគណៈរដ្ឋមន្ត្រីថ្មី (រដ្ឋាភិបាលដំបូងរបស់ អនុធីន) ការយកចិត្តទុកដាក់ផ្តោតលើក្រុមសេដ្ឋកិច្ច (គណៈរដ្ឋមន្ត្រីសេដ្ឋកិច្ច) ។ អង្គភាពមេឃញូស៍បានសង្ខេបឈ្មោះក្រសួងនីមួយៗពាក់ព័ន្ធនឹងសេដ្ឋកិច្ច មានអ្នកណាខ្លះ  ចំណេះដឹងនិងបទពិសោធន៍យ៉ាងណាខ្លះ?។

ឯកនិទិ និទិថាន់ប្រាក់ផាត Ekniti Nitithanpraphat ឧបនាយករដ្ឋមន្ត្រីទទួលបន្ទុកកិច្ចការសេដ្ឋកិច្ចនិងរដ្ឋមន្ត្រីក្រសួងហិរញ្ញវត្ថុ។

1. ក្រសួងហិរញ្ញវត្ថុ ប្រវត្តិ និងបទពិសោធន៍៖ ឯកនិទិ និទិថាន់ប្រាក់ផាត Ekniti Nitithanpraphat មានកំណត់ត្រាសិក្សាមិនធម្មតា ដោយទទួលបានអាហារូបករណ៍ចាប់ពីថ្នាក់បរិញ្ញាបត្រដល់ថ្នាក់បណ្ឌិត ដោយធ្វើការទាំងនៅធនាគារថៃ និងនៅធនាគារពិភពលោក។ ឯកនិទិ និទិថាន់ប្រាក់ផាត បានបញ្ចប់បរិញ្ញាបត្រផ្នែកសេដ្ឋកិច្ច (កិត្តិយស) ពីសកលវិទ្យាល័យថាំម៉ាសាត Thammasat (អាហារូបករណ៍របស់សមាគមសេដ្ឋកិច្ច Thammasat)។បន្ទាប់មកគាត់បានទទួលអាហារូបករណ៍រដ្ឋាភិបាលថៃដើម្បីបន្តថ្នាក់អនុបណ្ឌិតផ្នែកសេដ្ឋកិច្ចពីសាកលវិទ្យាល័យ Illinois នៅ Urbana-Champaign ។ គាត់ក៏ទទួលបានអាហារូបករណ៍ដូចគ្នា ដើម្បីបន្តការសិក្សាថ្នាក់បណ្ឌិតផ្នែកសេដ្ឋកិច្ចពីសាកលវិទ្យាល័យ Claremont Graduate University ក្នុងសហរដ្ឋអាមេរិក។ គាត់ត្រូវបានគេស្គាល់សម្រាប់កំណត់ត្រាសិក្សាដ៏ល្អរបស់គាត់បានទទួលពានរង្វាន់អតីតនិស្សិតឆ្នើមពីសាកលវិទ្យាល័យ Illinois និងទទួលបានអាហារូបករណ៍និស្សិតឆ្នើមពីការិយាល័យគណៈកម្មការសេវាកម្មស៊ីវិល និងពានរង្វាន់អ្នកសេដ្ឋកិច្ចឆ្នើមប្រចាំឆ្នាំ 2009 ។

បច្ចុប្បន្នមានតួនាទីជាអគ្គនាយកនៃនាយកដ្ឋានរតនាគារ និងកាន់មុខតំណែងជាច្រើនរួមទាំងប្រធានក្រុមប្រឹក្សាភិបាលនៃក្រុមហ៊ុន Thanachart Bank Public Company Limited, នាយកប្រតិបត្តិនៃអធិការកិច្ចពន្ធគ្មានព្រំដែន (TIWB), OECD & United Nations Development Program (UNDP) និងជាអតីតអគ្គនាយកនៃអគ្គនាយកដ្ឋានចំណូល និងជាអតីតរដ្ឋមន្ត្រីក្រសួងពាណិជ្ជកម្ម។

2. ក្រសួងពាណិជ្ជកម្ម ស៊ុផាជី ស៊ុថាំផាន់ Suphajee Suthumpun រដ្ឋមន្ត្រីក្រសួងពាណិជ្ជកម្ម

ប្រវត្តិ និងបទពិសោធន៍៖ ស៊ុផាជី Suphajee បានចាប់ផ្តើមការសិក្សាថ្នាក់បរិញ្ញាបត្រនៅមហាវិទ្យាល័យសង្គមវិទ្យា និងមនុស្សវិទ្យា សាកលវិទ្យាល័យ ថាំម៉ាសាតThammasat មុនពេលបន្តការសិក្សាថ្នាក់អនុបណ្ឌិតនៅសាកលវិទ្យាល័យ Northrop ក្នុងរដ្ឋកាលីហ្វ័រញ៉ា សហរដ្ឋអាមេរិក ជំនាញផ្នែកគ្រប់គ្រងពាណិជ្ជកម្ម ហិរញ្ញវត្ថុ និងគណនេយ្យអន្តរជាតិ។Suphajee ធ្លាប់ធ្វើជាអគ្គនាយករងក្រុមហ៊ុន IBM Thailand នៅអាយុ 38 ឆ្នាំដែលធ្វើឱ្យគាត់ក្លាយជាស្ត្រីវ័យក្មេងបំផុតក្នុងប្រវត្តិសាស្ត្រក្នុងក្រុមហ៊ុន នាងគឺជាជនជាតិអាស៊ីដំបូងគេដែលកាន់តំណែងជាជំនួយការនាយកប្រតិបត្តិនៅទីស្នាក់ការកណ្តាលរបស់ IBM នៅសហរដ្ឋអាមេរិក។Suphajee ធ្លាប់ធ្វើជានាយកប្រតិបត្តិនៃក្រុមហ៊ុន Thaicom Public Company Limited ហើយទទួលបានជោគជ័យក្នុងការបង្វែរក្រុមហ៊ុនត្រឡប់ទៅរកប្រាក់ចំណេញវិញក្នុងត្រីមាសទី 1 បន្ទាប់ពីការខាតបង់រយៈពេលប្រាំឆ្នាំជាប់ៗគ្នា។ គាត់បម្រើការនៅក្នុងក្រុមប្រឹក្សាភិបាលនៃក្រុមហ៊ុនជាច្រើន ហើយបច្ចុប្បន្នជានាយកប្រតិបត្តិជាស្រីដ៏រឹងមាំរបស់ឌុស៊ីតថានី Dusit Thani ។

3. ក្រសួងថាមពល អាត់ថៈភុន រឹកភិប៊ូន Attapol Rerkpiboon រដ្ឋមន្ត្រីក្រសួងថាមពល ៖ ប្រវត្តិ និងបទពិសោធន៍៖ Attapol ទទួលបានបរិញ្ញាបត្រផ្នែកវិស្វកម្មសំណង់ស៊ីវិល ពីសាកលវិទ្យាល័យជុឡាលុងកន Chulalongkorn អនុបណ្ឌិតសេដ្ឋកិច្ចពីវិទ្យាស្ថានជាតិអភិវឌ្ឍន៍រដ្ឋបាល និងសញ្ញាប័ត្រផ្នែកគ្រប់គ្រងប្រេងពី College of Petroleum Studies សាកលវិទ្យាល័យ Oxford ចក្រភពអង់គ្លេស Diploma of Petroleum Management, College of Petroleum Studies, Oxford University, UK បានទទួលអាហារូបករណ៍ពីក្រុមប្រឹក្សាអង់គ្លេសពេញមួយអាជីព Attapol គឺជាបុគ្គលិករបស់ PTT អស់រយៈពេលជាង 30 ឆ្នាំ ហើយបានចូលរួមយ៉ាងស៊ីជម្រៅនៅក្នុងវិស័យថាមពល។
4. ក្រសួងគមនាគមន៍ ភិផាត់ រ៉ាតចៈកគីតប្រាក់កាន Phiphat Ratchakitprakarn រដ្ឋមន្ត្រីក្រសួងដឹកជញ្ជូន ៖ ប្រវត្តិ និងបទពិសោធន៍៖ ភីផាត់ បញ្ចប់បរិញ្ញាបត្រវិទ្យាសាស្ត្រនយោបាយ ពីសាកលវិទ្យាល័យ រ៉ាមខាំហែង គាត់បានទទួលមរតកពីអាជីវកម្មគ្រួសារ ដោយនាំចូលប្រេងពីបរទេស ហើយចែកចាយដល់ទូកនេសាទនៅសមុទ្រអាន់ដាម៉ាន់ Andaman ។ ក្រោយមកនៅឆ្នាំ ១៩៩២ អាជីវកម្មនេះត្រូវបានចុះបញ្ជីនៅផ្សារហ៊ុនថៃក្រោមឈ្មោះ PTG Energy ក្រោយមកប្តូរឈ្មោះទៅជា PTG Energy Public Company Limited ។Phiphat គឺជាអតីតរដ្ឋមន្ត្រីក្រសួងទេសចរណ៍ និងកីឡាក្នុងរដ្ឋាភិបាលលោក ប្រាយុទ្ធ ចាន់អូឆា Prayut Chan-o-cha ដែលដឹកនាំប្រទេសថៃឆ្លងកាត់វិបត្តិនៃការថយចុះចំនួនភ្ញៀវទេសចរ។ នៅឆ្នាំ 2023 គាត់ត្រូវបានជ្រើសរើសជារដ្ឋមន្ត្រីក្រសួងការងារនៅក្នុងរដ្ឋាភិបាល ឆេតថា ថៈវីស៊ីន Sathit Thaveesin និងរដ្ឋាភិបាល ភែថងថាន ស៊ីណាវ៉ាត់ Paethongtarn Shinawatra ។

៥ ក្រសួងឧស្សាហកម្ម ថៈណាកន វ៉ាំងប៊ុនឃុង ឆាណាក់ Thanakorn Wangboonkongchana រដ្ឋមន្ត្រីក្រសួងឧស្សាហកម្ម ៖ ប្រវត្តិ និងបទពិសោធន៍៖ លោកធ្លាប់ធ្វើជាអនុគណៈកម្មាធិការ លេខាធិការ និងជាទីប្រឹក្សាក្រសួងមួយចំនួន រួមមាន ក្រសួងពាណិជ្ជកម្ម ក្រសួងធនធានធម្មជាតិ និងបរិស្ថាន និងក្រសួងសុខាភិបាលសាធារណៈ។នៅឆ្នាំ 2018 គាត់បានក្លាយជាសមាជិកនៃគណបក្សផ្លាំងប្រាឆារ៉ាត Palang Pracharath ។ គាត់មានភាពស្និទ្ធស្នាលជាមួយ ឧឌុម សាវនាយន្ត ដែលជាអតីតរដ្ឋមន្ត្រីក្រសួងហិរញ្ញវត្ថុ ហើយដូច្នេះបានបម្រើការជាលេខា។នៅពេលដែលឧឌុម លាលែងពីតំណែង លោកត្រូវបានតែងតាំងជាលេខារបស់ អនុឆា ណាខាសៃ Anucha Nakasai ដែលជារដ្ឋមន្ត្រីនៃការិយាល័យនាយករដ្ឋមន្ត្រី និងជាអតីតអ្នកនាំពាក្យរបស់ការិយាល័យនាយករដ្ឋមន្ត្រីក្នុងរដ្ឋាភិបាលប្រាយុទ្ធ ចាន់អូឆា Prayut Chan-o-cha ។នៅដើមឆ្នាំ 2025 បានរៀបការជាមួយវេជ្ជបណ្ឌិត ឃែតលីន ម៉ាលីនុន Cathleen Maleenont ដែលជាអ្នកស្នងមរតកជំនាន់ទីបីនៃគ្រួសារម៉ាលីនុន  Maleenont និងជាប្រធានក្រុមហ៊ុន Thai Solar Energy PLC ។

៦.ក្រសួងការងារ ទ្រីនុត ធៀនថង  Trinuch Thienthong រដ្ឋមន្ត្រីក្រសួងការងារ ៖ ប្រវត្តិ និងបទពិសោធន៍៖ ទ្រីនុត ជាក្មួយស្រីរបស់ សៈណក់ ធៀនថង ​មាន​បទពិសោធន៍​នយោបាយ និង​ជា​សមាជិក​សភា​៥​អាណត្តិ បានទទួលសញ្ញាប័ត្រអនុបណ្ឌិតផ្នែកសេដ្ឋកិច្ចពីសាកលវិទ្យាល័យ Western Illinois សហរដ្ឋអាមេរិក។ នៅឆ្នាំ 2021 នាងបានក្លាយជាស្ត្រីដំបូងគេក្នុងប្រវត្តិសាស្ត្រនៃក្រសួងអប់រំដែលត្រូវបានតែងតាំងជារដ្ឋមន្ត្រីក្រសួងអប់រំ។

៧.ក្រសួងកសិកម្ម និងសហករណ៍ ថាំម៉ាណាត់ ព្រំផៅ  Thammanat Prompao ឧបនាយករដ្ឋមន្ត្រី និងជារដ្ឋមន្ត្រីក្រសួងកសិកម្ម និងសហករណ៍ ប្រវត្តិ និងបទពិសោធន៍៖ ថាំម៉ាណតា់ បានបញ្ចប់ការសិក្សាពីសាលាត្រៀមរៀបចំ កងកម្លាំងប្រដាប់អាវុធ ជំនាន់ទី ២៥ (រួមជំនាន់ទី២ នៃសាលាត្រៀមបំពាក់អាវុធ) បណ្ឌិតទស្សនវិជ្ជា (រដ្ឋបាលសាធារណៈ) សាកលវិទ្យាល័យកាលីហ្វ័រញ៉ា FCE សហរដ្ឋអាមេរិក។មុន​ក្លាយ​ជា​អ្នក​នយោបាយ លោក Thammanat ជា​អគ្គនាយកថាំម៉ាណាត់គ្រុប ដែល​ជា​ក្រុមហ៊ុន​មួយ​ដែល​ពាក់ព័ន្ធ​នឹង​អាជីវកម្ម​ផ្សេងៗ។ លោកជារដ្ឋមន្ត្រីក្រសួងកសិកម្ម និងសហករណ៍ក្នុងរដ្ឋាភិបាលលោក ប្រាយុទ្ធ ចាន់អូចា។

៨.ក្រសួងទេសចរណ៍ និងកីឡា អាត់ថាកន ស៊ីរិឡាក់ថាយ៉ាកន Attakar Sirilathayakorn រដ្ឋមន្ត្រីក្រសួងទេសចរណ៍ និងកីឡា ប្រវត្តិ និងបទពិសោធន៍៖ គាត់បានបញ្ចប់ថ្នាក់បរិញ្ញាបត្រផ្នែក Communication Arts ពីសាកលវិទ្យាល័យបាងកក និងបរិញ្ញាបត្រជាន់ខ្ពស់ផ្នែកគ្រប់គ្រងទីផ្សារពីសាកលវិទ្យាល័យ Middlesex ប្រទេសអង់គ្លេស។ លោក Attakar ធ្លាប់ជារដ្ឋមន្ត្រីក្រសួងកសិកម្ម និងសហករណ៍ក្នុងរដ្ឋាភិបាលលោកស្រី ភែថងថាន ស៊ីណាវ៉ាត់ Paethongtarn Shinawatra។

៩ ក្រសួងសង្គមឌីជីថលដើម្បីសេដ្ឋកិច្ចសង្គម ឆៃឆាណុក ឈីតឆប Chaichanok Chidchob រដ្ឋមន្ត្រីក្រសួងសង្គមឌីជីថលដើម្បីសេដ្ឋកិច្ចសង្គម ប្រវត្តិ និងបទពិសោធន៍៖ Chaichanok បានបញ្ចប់វិទ្យាល័យនៅ Millfield Preparatory School ប្រទេសអង់គ្លេស ហើយបានទទួលសញ្ញាប័ត្រផ្នែកសេដ្ឋកិច្ចហិរញ្ញវត្ថុពីសាកលវិទ្យាល័យឡុងដុង។គាត់គឺជាអ្នកស្នងមរតកជំនាន់ទី 3 នៃគ្រួសារនយោបាយដ៏ធំក្នុងខេត្តប៊ុរីរ៉ាំ Buriram ។ ​ជា​កូន​ប្រុស​ច្បង​របស់​លោក នេវីន ឈីតឆប Newin Chidchob ហើយ​បច្ចុប្បន្ន​មាន​តួនាទី​ជា​អគ្គលេខាធិការ​គណបក្សភូមចៃថៃ Bhumjaithai។ គាត់ក៏ជាអតីតនាយកប្រតិបត្តិរបស់ Buriram United Esports ផងដែរ។ ចំណុចរបត់សំខាន់ដែលនាំឱ្យគាត់ត្រូវគេចាប់អារម្មណ៍គឺតួនាទីរបស់គាត់ក្នុងការជំរុញអោយ Buriram United Esports ទៅជាក្រុមកំពូលទូទាំងប្រទេស។

#សេនាមេឃ

ប្រភព ៖ THE STANDARD WEALTH