ហត្ថលេខារបស់លោក Trump (Trump’s Signature:)៖ អ្នកជំនាញវិភាគ ‘ហត្ថលេខា’ របស់លោក Trump ជាបន្ទាត់ប្លែកៗ ប៉ុន្តែវាគឺជាហត្ថលេខាដែលឆ្លុះបញ្ចាំងពីបញ្ហាផ្លូវចិត្ត។

ស៊ីឡាឡូវ Sheila Lowe អ្នកជំនាញហត្ថលេខានៃវិទ្យាសាស្ត្រកោសល្យវិច្ច័យ បានវិភាគហត្ថលេខារបស់លោក “Donald Trump” ប្រធានាធិបតីសហរដ្ឋអាមេរិក បន្ទាប់ពីរូបភាពហត្ថលេខាដែលលោក Trump បានប្រើក្នុងអំឡុងពេលកាន់តំណែងរបស់លោកត្រូវបានបញ្ចេញ Lowe បាននិយាយថាហត្ថលេខារបស់លោក Trump បង្ហាញយ៉ាងច្បាស់អំពីអត្តសញ្ញាណ និងចរិតរបស់គាត់ដោយបញ្ជូនកម្លាំងជំរុញខ្លាំង អំណាច និងភាពមិនស្មោះត្រង់ផងដែរដោយមើលតាមរយៈហត្ថលេខា ដែលនាងបានវិភាគដូចខាងក្រោម៖

ហត្ថលេខាដោយដៃឆ្លុះបញ្ចាំងពីបុគ្គលិកលក្ខណៈ

Sheila Lowe បានប្រាប់ Rolling Stone ថាហត្ថលេខារបស់លោក Trump ផ្តល់នូវតម្រុយសំខាន់ៗអំពីសុខភាពផ្លូវចិត្តរបស់គាត់ ដោយនិយាយថា Trump គឺជាបុរសដែលទាក់ទាញ និងចង់បានភាពប្រណីត ប៉ុន្តែមិនថាអ្នកចង់បានប្រណីតប៉ុណ្ណានោះទេ អ្នកដែលប្រើហត្ថលេខាប្រភេទនេះនឹងមិនព្យាយាមចង់បាននូវភាពប្រណីតនោះមកទេ ព្រោះអាចឆ្លុះបញ្ចាំងពីទំនុកចិត្តថា របស់ប្រណិតទាំងនោះនឹងមករកគាត់ ទោះបីគ្រាន់តែអង្គុយស្ងៀមក៏ដោយ។

ហត្ថលេខានិងការកុហកដែលមិនធម្មតា

Lowe បាននិយាយថាវិធីដែល Trump សរសេរគឺមានភាពទាក់ទាញដែលហៅវិធីដែល Trump គូសខ្សែបន្ទាត់ហត្ថលេខា “ខ្សែបន្ទាត់នឹងប្រែប្រួល” ប៉ុន្តែនៅតែមើលទៅតាមធម្មជាតិ នោះហើយជាមូលហេតុដែល Lowe វិភាគថាវាជាប់ទាក់ទងនឹងភាពមិនស្មោះត្រង់ និងជាសញ្ញានៃអ្នកកុហក។

ការគូរខ្សែបែបកំណត់ និងការគ្រប់គ្រងបន្ទាត់

Lowe បានវិភាគថា Trump មាននិន្នាការសរសេរជាអក្សរធំ នេះជាសញ្ញាសម្គាល់របស់បុគ្គលដែលមានសេចក្តីត្រូវការខាងសន្តិសុខនិងមានចិត្តចង់គ្រប់គ្រងក៏មានតម្រូវការខ្ពស់ក្នុងការគោរពលោក Trump ក៏ចង់បង្កើតសិទ្ធិអំណាច ដែលត្រូវបានឆ្លុះបញ្ចាំងនៅក្នុងហត្ថលេខារបស់គាត់

ទន្ទឹមនឹងនេះហត្ថលេខារបស់គាត់ក៏ឆ្លុះបញ្ចាំងផងដែរ “បញ្ហាផ្លូវចិត្ត” ដែលមិនត្រូវបានដោះស្រាយ

ហត្ថលេខានៃភាពក្រអឺតក្រទមនិងការបំផ្លាញខ្លួនឯង។

លក្ខណៈពិសេសជាក់ស្តែងបំផុតនៃហត្ថលេខារបស់ Trump Loweបានប្រៀបធៀបទៅនឹង“ជញ្ជាំងលួសបន្លា” បង្ហាញពីចរិតឆេវឆាវ ប៉ុន្តែឆ្លាត ទន្ទឹមនឹងនេះអក្សរ P ចុងក្រោយនៃឈ្មោះមើលទៅ លោក Lowe បាននិយាយថា “មិនសូវជាច្បាស់លាស់ទេ” ដោយសំដៅទៅលើជាការបំផ្លាញខ្លួនឯង។

ទោះបីជាយ៉ាងណាក៏ដោយ លោក Lowe ក៏បាននិយាយផងដែរថា ការធ្វើកោសល្យវិច្ច័យ និងការវិភាគហត្ថលេខា នៅតែជាប្រធានបទដ៏ចម្រូងចម្រាស សូម្បីតែនៅក្នុងសហគមន៍អ្នកជំនាញក៏មានការជជែកគ្នាខ្លះអំពីភាពត្រឹមត្រូវនៃការវិភាគហត្ថលេខា មនុស្សជាច្រើនជឿថា ការផ្តោតសំខាន់គួរតែផ្តោតលើភាពត្រឹមត្រូវនៃហត្ថលេខា ជាជាងការវាយតម្លៃបុគ្គលិកលក្ខណៈ ទោះបីជាវិទ្យាសាស្ត្រនៃការវិភាគហត្ថលេខា ត្រូវបានផ្សារភ្ជាប់ទៅនឹងគោលការណ៍វិទ្យាសាស្ត្រក៏ដោយ ប៉ុន្តែវាត្រូវបានគេរិះគន់ជាញឹកញាប់ថាជារឿងក្លែងក្លាយដែលមិនអាចបញ្ជាក់បាន។

—————

ប្រែសំរួលដោយ ៖ សេនាមេឃ

រូបថត៖ រ៉យទ័រ