ថ្ងៃទី 14 ខែកុម្ភៈគឺជាថ្ងៃដែលចុះបញ្ជីកម្មសិទ្ធបញ្ញាទូរស័ព្ទជាផ្លូវការ ហើយក៏ជាថ្ងៃនៃជម្លោះរវាងអ្នកច្នៃប្រឌិតនាក់2គឺ Alexander Graham Bell និង Elisha Gray ដោយសារតែអ្នកទាំង2បានបង្កើតប្រព័ន្ធសំលេងតាមទូរស័ព្ទ លើសពីនេះទៀតពួកគេមកចុះឈ្មោះក្នុងថ្ងៃតែមួយ។
សម្រាប់ថ្ងៃទី 14 ខែកុម្ភៈ គឺជាថ្ងៃដែលមនុស្សភាគច្រើនស្គាល់ថាជាថ្ងៃបុណ្យនៃក្តីស្រលាញ់ ប៉ុន្តែវាក៏ជាថ្ងៃដ៏សំខាន់មួយទៀតនៅក្នុងប្រវត្តិសាស្ត្រផងដែរ នោះហើយជាថ្ងៃ Alexander Graham Bell ចុះកម្មសិទ្ធបញ្ញាឧបករណ៍បញ្ជូនសញ្ញាណទូរស័ព្ទដែលជាជំហានសំខាន់ក្នុងបច្ចេកវិទ្យាទំនាក់ទំនងដែលត្រូវបានអភិវឌ្ឍរហូតមកដល់បច្ចុប្បន្ន។
ត្រលប់ទៅសម័យនោះ អ្នកច្នៃប្រឌិតជនជាតិអ៊ីតាលី Innocenzo Manzetti គាត់គឺជាមនុស្សដំបូងដែលមានគំនិតនៃការទំនាក់ទំនងក្នុងទម្រង់នៃប្រព័ន្ធសម្លេង ប៉ុន្តែវាគ្រាន់តែជាគំនិតមួយ តែចំពោះ Alexander Graham Bell និង Elisha Gray គឺជាអ្នកច្នៃប្រឌិតវាឱ្យក្លាយជាការពិត ពួកគេអាចបង្កើតឧបករណ៍បញ្ជូនសំលេងទូរស័ព្ទដោយជោគជ័យក្នុងពេលតែមួយ ហើយការចុះបញ្ជីកម្មសិទ្ធបញ្ញានេះត្រូវបានចុះឈ្មោះជាផ្លូវការក្នុងថ្ងៃតែមួយគឺថ្ងៃទី ១៤ ខែកុម្ភៈ ឆ្នាំ ១៨៧៦ (ព ស ២៤១៩) ប៉ុន្តែស្តេចនៃទូរសព្ទដែលពិភពលោកស្គាល់គឺមានតែលោក Bell ប៉ុណ្ណោះ។
អ្នកច្នៃប្រឌិតទាំងពីរនាក់នោះគឺ Elisha Gray ជាជនជាតិអាមេរិកកើតក្នុងឆ្នាំ 1835 ដែលជាវិស្វករដ៏ប៉ិនប្រសប់ម្នាក់ដែលបង្កើតការច្នៃប្រឌិតបច្ចេកវិទ្យាជាច្រើន Alexander Graham Bell ជាជនជាតិស្កុតឡែន កើតក្នុងឆ្នាំ 1847 ។ សមាជិកគ្រួសាររបស់ Bell ជាច្រើននាក់ជាមនុស្សថ្លង់ លោកបានសិក្សាជំនាញផ្នែកមនុស្សពិការការស្តាប់ អាចទំនាក់ទំនងបានយ៉ាងស្ទាត់ជំនាញដោយប្រើភាសាសញ្ញាដៃ និងមានសមត្ថភាពក្នុងការបែងចែកសំឡេងផ្សេងគ្នាយ៉ាងលម្អិត។
នៅទសវត្សរ៍ឆ្នាំ 1970 លោក Grey បានធ្វើការជាវិស្វករនៅរដ្ឋ Illinois គាត់បានចំណាយពេលទាំងអស់របស់គាត់លើការច្នៃប្រឌិត “ទូរលេខនិយាយ” ឬទូរស័ព្ទដែលអាចបញ្ជូនសារជាសំឡេងច្រើនក្នុងពេលតែមួយ។ចំណែក Bell ដែលធ្វើការជាគ្រូបង្រៀនសម្រាប់មនុស្សថ្លង់នៅទីក្រុង Boston សហរដ្ឋអាមេរិក បានប្រើប្រាស់ពេលទំនេររបស់គាត់ពីការបង្រៀន មកបង្កើតឧបករណ៍ទំនាក់ទំនងដែលបម្រើគោលបំណងស្រដៀងគ្នាទៅនឹង Grey មានតែ Grey ប៉ុណ្ណោះដែលជោគជ័យមុនគេគាត់បានបង្ហាញការងាររបស់គាត់នៅវិហារ Highland Park ក្នុង 1874 ខណៈពេលដែល Bell បានបញ្ចប់វានៅឆ្នាំ 1876 ពីរឆ្នាំក្រោយ Grey ២ឆ្នាំ។
ប៉ុន្តែបញ្ហាបានកើតឡើងដោយសារបញ្ហាកម្មសិទ្ធបញ្ញា ហើយនៅថ្ងៃទី 14 ខែកុម្ភៈ ឆ្នាំ 1876 មេធាវីរបស់ Grey បានដាក់ពាក្យសុំចុះកម្មសិទ្ធបញ្ញាសម្រាប់ឧបករណ៍បញ្ជូនសំលេងតាមទូរសព្ទនៅការិយាល័យកម្មសិទ្ធបញ្ញា និងពាណិជ្ជសញ្ញារបស់សហរដ្ឋអាមេរិក គាត់បានសរសេរនៅក្នុងពាក្យសុំថាគាត់ចង់ចុះបញ្ជីកម្មសិទ្ធបញ្ញា ប៉ុន្តែលោកមិនបានបញ្ជាក់លម្អិតទេ ដោយលោកបានលើកឡើងថា លោក Grey នឹងមកបញ្ជាក់លម្អិតតាមក្រោយ តែនៅថ្ងៃដដែលនោះ មេធាវីរបស់ Bell ក៏បានដាក់ពាក្យស្នើសុំចុះកម្មសិទ្ធបញ្ញាដែរ។
ដោយសារតែនៅពេលនោះ ការត្រួតពិនិត្យផ្លូវច្បាប់នៃការចុះបញ្ជីកម្មសិទ្ធិបញ្ញាមិនមានភាពតឹងរ៉ឹងដូចសព្វថ្ងៃនេះទេ ហើយចាប់តាំងពីអ្នកទាំងពីរបានចុះបញ្ជីកម្មសិទ្ធិបញ្ញារបស់ពួកគេនៅថ្ងៃតែមួយ ហើយពួកគេក៏មានការច្នៃប្រឌិតដូចគ្នាដែរ ទើបបណ្តាលឱ្យមានការប្តឹងគ្នា ប៉ុន្តែនៅទីបំផុត Bell បានឈ្នះករណីនេះ ហើយបានក្លាយជាម្ចាស់កម្មសិទ្ធិលើទូរស័ព្ទ ព្រោះបង្កាន់ដៃបង់ថ្លៃបញ្ជាក់ថា Belle បានបង់ថ្លៃមុនហើយតាមលំដាប់នៃការដាក់ពាក្យ Belle គឺលេខរៀង 5 ហើយ Grey គឺលេខរៀង 39 ដែលមានន័យថា Belle បានដាក់ពាក្យមុន នៅពេលដែល Bell បានឈ្នះករណីនេះ គាត់បានបង្កើតក្រុមហ៊ុនទូរស័ព្ទអាមេរិក (American Bell Telephone) ហើយចាប់ផ្តើមធ្វើការលើទូរស័ព្ទដោយស្មោះត្រង់ Grey បានបង្កើតក្រុមហ៊ុន Western Union Telegraph ហើយបន្តអាជីវកម្មទូរលេខរបស់គាត់។
ប្រភព៖ kapok
