យន្តហោះចម្បាំងអាមេរិកតម្លៃរាប់លានដុល្លារបានធ្លាក់ពីនាវាផ្ទុកយន្តហោះ Harry S. Truman ចូលសមុទ្រក្រហមកាលពីថ្ងៃចន្ទ (២៨ មេសា) ក្នុងឧបទ្ទវហេតុដែលបណ្តាលឲ្យសមាជិកនាវិកម្នាក់រងរបួស នេះបើតាមការអោយដឹងពីយោធាអាមេរិក។
ត្រាក់ទ័រដែលធ្លាប់អូសយន្តហោះចម្បាំងដែលមានតម្លៃ៦៧លានដុល្លារក្នុងឆ្នាំ២០២១ ក៏ធ្លាក់ពីលើកប៉ាល់ហើយចូលសមុទ្រក្រហមដែរ។
កងទ័ពជើងទឹកអាមេរិកបាននិយាយនៅក្នុងសេចក្តីថ្លែងការណ៍មួយថា “យន្តហោះ F/A-18E កំពុងត្រូវបានសណ្តោងនៅក្នុងតំបន់ hangar ប៉ុន្តែក្នុងអំឡុងពេលនោះ នាវិកដែលកំពុងធ្វើសកម្មភាពបានបាត់បង់ការគ្រប់គ្រងលើយន្តហោះ ត្រាក់ទ័របានអូសយន្តហោះធ្លាក់ពីកប៉ាល់ផ្ទុកយន្តហោះ” ។
សេចក្តីថ្លែងការណ៍បាននិយាយថា “នាវិកដែលកំពុងគ្រប់គ្រងការអូសយន្តហោះនោះបានព្យាយាមកែសម្រួល មុនពេលវាធ្លាក់ពីលើនាវា” សេចក្តីថ្លែងការណ៍បាននិយាយថា “បុគ្គលិកទាំងអស់នៅតែមានវត្តមានគ្រប់ មានតែសមាជិកនាវិកម្នាក់ប៉ុណ្ណោះដែលរងរបួសស្រាល»។
កងទ័ពជើងទឹកអាមេរិកបានបន្តថា នាវាផ្ទុកយន្តហោះ និងយន្តហោះផ្សេងទៀតស្ថិតក្នុងពេលប្រតិបត្តិការណ៏ ហើយពេលនេះឧប្បត្តិហេតុកំពុងស្ថិតក្រោមការស៊ើបអង្កេត។
នេះជាលើកទីពីរហើយដែលនាវាផ្ទុកយន្តហោះ Harry S. Truman បានបាត់បង់យន្តហោះចម្បាំង F/A-18 រហូតពីរគ្រឿងក្នុងរយៈពេលតិចជាងប្រាំមួយខែ មុននេះ F/A-18 មួយគ្រឿងទៀតត្រូវបានបាញ់ទម្លាក់ដោយនាវាទេសចរណ៍ USS Gettysburg ដែលជាផ្នែកមួយនៃក្រុមវាយប្រហារនាវា USS Harry S. Truman កាលពីចុងឆ្នាំមុន ជាសំណាងល្អ អ្នកបើកយន្តហោះទាំងពីរនាក់បានរួចជីវិត។
នាវាផ្ទុកយន្តហោះ USS Harry S. Truman គឺជានាវាផ្ទុកយន្តហោះមួយក្នុងចំណោមនាវាផ្ទុកយន្តហោះពីររបស់អាមេរិកដែលកំពុងប្រតិបត្តិការនៅមជ្ឈិមបូព៌ាទឹកដីដែលកងកម្លាំងអាមេរិកកំពុងវាយប្រហារក្រុមឧទ្ទាម Houthi ក្នុងប្រទេសយេម៉ែន ជាមួយនឹងប្រតិបត្តិការវាយប្រហារតាំងពីពាក់កណ្តាលខែមីនា ក្នុងកិច្ចខិតខំប្រឹងប្រែងដើម្បីទប់ស្កាត់ការគំរាមកំហែងរបស់ក្រុមសកម្មប្រយុទ្ធចំពោះកប៉ាល់ក្នុងតំបន់។
ប្រែសម្រួលដោយ ៖ ម្ចាស់មេឃ
(ប្រភព៖ AFP)
