ខនខ្លេ Conclave: កិច្ចការប្រចាំរបស់សង្ឃ”Cardinal” តើធ្វើអ្វីក្នុងមួយថ្ងៃ? ក្នុងអំឡុងពេលមហាសន្និបាតសម្ងាត់ដើម្បីជ្រើសរើសសម្តេចប៉ាបថ្មី។
ខនខ្លេ Conclave ជា “សន្និបាត” គឺជាការប្រជុំសម្ងាត់នៃសង្ឃជាន់ខ្ពស់ខាឌិណាល់ Cardinal ដែលមិនត្រូវបានផ្សព្វផ្សាយជាសាធារណៈរហូតបញ្ចប់ពីការបោះឆ្នោតជ្រើសរើសសម្តេចប៉ាបថ្មី តើអ្នកធ្លាប់ឆ្ងល់ទេ? ថាក្នុងមួយថ្ងៃនៃការប្រជុំសម្ងាត់នេះ តើខាឌីណាល់ Cardinal ត្រូវធ្វើអ្វី? នៅពេលដែលពួកគេត្រូវកាត់ផ្តាច់ពីពិភពខាងក្រៅ រហូតដល់ការជ្រើសរើសសម្តេចប៉ាបថ្មីត្រូវបានបញ្ចប់។
យោងទៅលើព័ត៌មានពីទីភ្នាក់ងារព័ត៌មាន Reuters ដោយសារតែការប្រជុំសម្ងាត់របស់ខាឌីណាល់នឹងចាប់ផ្តើមជាផ្លូវការនៅថ្ងៃពុធ ទី ៧ ខែឧសភានេះ មិនមានន័យថាកិច្ចប្រជុំរបស់ពួកគេនឹងត្រូវបញ្ចប់ក្នុងមួយថ្ងៃនោះឡើយ ដោយសារតែកិច្ចប្រជុំសម្ងាត់អាចកើតឡើង “គ្មានថ្ងៃកំណត់” វាអាចចំណាយពេលច្រើនថ្ងៃ ឬច្រើនសប្តាហ៍ រហូតទាល់តែបានសង្ឃសមរម្យមួយអង្គហើយតែងតាំងឱ្យកាន់តំណែង ដូច្នេះថ្ងៃនីមួយៗរបស់ខាឌីណាល់ ចាប់ផ្តើមនៅខាសា សានតា ម៉ាតា Casa Santa Marta ។
បន្ទប់ស្នាក់ដូចជាអាផាតមែនពីរក្នុងបុរីវ៉ាទីកង់ នឹងក្លាយជាលំនៅឋានរបស់ខាឌីណាល់នៅទូទាំង Conclave ហើយនឹងមិនត្រូវបានអនុញ្ញាតឱ្យចាកចេញពីតំបន់នោះទេ រហូតដល់ការជ្រើសរើសបានបញ្ចប់។
បន្ទាប់ពីទទួលទានអាហារពេលព្រឹក ខាឌីណាល់នឹងឡើងឡានក្រុងក្រោមការគ្រប់គ្រងសុវត្ថិភាពយ៉ាងតឹងរឹងបំផុត ដើម្បីធ្វើដំណើរទៅកាន់វិហារស៊ីស្ទីន Sistine Chapel ដែលពោរពេញទៅដោយផ្ទាំងគំនូរដ៏ល្បីល្បាញរបស់ម៉ៃឃើល អែនជើឡូ “Michelangelo” ខាណាល់នឹងប្រមូលផ្តុំគ្នា ហើយចាប់ផ្តើមការពិភាក្សាបោះឆ្នោតព្រឹកដំបូង កំឡុងពេលបោះឆ្នោត ខាណាល់នឹងស្ថិតក្នុងឈុតពេញអង្គ ពាក់អាវឃ្លុំក្រហមលើអាវបព្វជិតពណ៌ស និងមួករាងទម្រង់ល្ពៅពណ៌ក្រហមតូចហៅថាហ្សុកិតូ Zucchetto។
បន្ទាប់ពីការបោះឆ្នោតពេលព្រឹក ខាឌីណាល់នឹងត្រឡប់ទៅគេហដ្ឋាននៅ Santa Marta វិញសម្រាប់អាហារថ្ងៃត្រង់ សម្រាក ឬជជែកក្រៅផ្លូវការ បន្ទាប់មកនៅពេលរសៀល ខាឌីណាល់នឹងត្រលប់មកវិញឈុតពេញអង្គ ហើយជិះឡានក្រុងទៅកាន់វិហារ Sistine Chapel ម្តងទៀតសម្រាប់ការបោះឆ្នោតជុំទីពីរ។
ទម្លាប់នេះបន្តជារៀងរាល់ថ្ងៃរហូតទាល់តែរកខាឌីណាល់មួយអង្គសម្រេចបានសំឡេងភាគច្រើនពីរភាគបី ហើយក្នុងកំឡុងពេលនោះក្រភ្នែករបស់ពិភពលោកនឹងសម្លឹងទៅលើ “ប៉មផ្សែង” នៃវិហារ Sistine Chapel រង់ចាំសញ្ញានៃសម្តេចប៉ាបថ្មី។ ប្រសិនបើ “ផ្សែងខ្មៅ” កើតឡើង មានន័យថា គ្មាននរណាម្នាក់ត្រូវបានជ្រើសរើសនៅឡើយទេ តែប្រសិនបើ “ផ្សែងពណ៌ស” កើតឡើង មានន័យថា មួយអង្គដែលសមរម្យសម្រាប់តំណែងរបស់សម្តេចប៉ាបថ្មីត្រូវបានជ្រើសរើសហើយ។
ខណៈពេលនោះជីវិតរបស់ខាឌីណាល់នៅក្នុងលំនៅឋានសាន់តាម៉ាតាមានភាពធូរស្រាល ពួកគេត្រូវបានអនុញ្ញាតឱ្យស្លៀកសំលៀកបំពាក់បែបព្រះសង្ឃដែលមិនសូវមានលក្ខណៈផ្លូវការ ដូចជាស្លៀកឈុតខ្មៅ ឬអាវក្រៅធម្មតា Cardinals ក៏ត្រូវបានផ្តល់សិទ្ធិក្នុងការនិយាយទៅកាន់ Cardinals របស់ពួកគេនៅក្នុងច្រករបៀង និងបន្ទប់រង់ចាំផងដែរ ភាគច្រើន ខានីលមួយអង្គៗនឹងប្រមូលផ្តុំគ្នាជាក្រុមជាមួយសហសេវិកមកពីតំបន់ដូចគ្នា ដើម្បីពិភាក្សាអំពីបេក្ខជនដែលសមស្រប។
ក្រៅពីការងាររបស់ខាឌិណាល់ បុគ្គលិកបុរីវ៉ាទីកង់ក៏ត្រូវរង់ចាំគ្រប់ពេលវេលាក្នុងអំឡុងពេល CONCAVE ប្រជុំ ។កម្មករនឹងត្រូវដំឡើងឡដុត និងបំពង់ផ្សែង ដើម្បីដុតសន្លឹកឆ្នោត និងបញ្ជូនសញ្ញាទៅខាងក្រៅ ខណៈដែលជាងកាត់ដេរនៅទូទាំងទីក្រុងរ៉ូមបានឈរនៅក្បែរដើម្បីធ្វើការវាស់វែង ធ្វើគ្រឿងបរិក្ខារ និងធ្វើការកាត់ដេរចុងក្រោយ ដរាបណាលទ្ធផលនៃការប្រជុំរបស់ខាឌីណាល់ត្រូវបានគេដឹងថានឹងត្រូវផលិតអាវឈុតឃ្លុំសម្រាប់សម្តេចប៉ាបថ្មីភ្លាមៗ។
ហើយនៅពេលដែលជ្រើសរើសបានសម្តេចសង្ឃភ្លាម ខាឌីណាល់នឹងត្រូវបានដោះលែងពីទម្លាប់ប្រចាំថ្ងៃរបស់ពួកគេនៅក្នុងវិហារ Sistine ជួងនៃវិហារ St. Peter’s Basilica នឹងបន្លឺឡើងលាន់ទ្រហឹង សម្តេចប៉ាបថ្មីនឹងស្វាគមន៍គ្រីស្ទានជាលើកដំបូង។
សង្ឃខាឌីណាល់ជាន់ខ្ពស់បំផុតក្នុងចំណោមខាក្នុងពិភពលោកនៅពេលនេះគឺ ខាឌីណាល់ ម៉ៃឃើល មីឆៃ គីតប៊ុនឈូ មកពីប្រទេសថៃ នឹងឡើងលើយ៉រនៃវិហារសន្តពេត្រុសជាមួយអ្នកបួសពីរអង្គ មុនពេលប្រកាសជាភាសាឡាតាំង “ហាប៊ីមឹស ប៉ាប៉ាម Habemus Papam ” ឫ(យើងមានសម្តេចប៉ាបហើយ) បន្តដោយឈ្មោះសម្តេចប៉ាបថ្មីជាភាសាឡាតាំង។
CNN រាយការណ៍ថាសម្តេចប៉ាបថ្មីអាចត្រូវបានគេហៅថាលិអូទី១៣ “Leo XIII” ជាឈ្មោះដែលគេស្គាល់សម្រាប់ការប្តេជ្ញាចិត្តរបស់គាត់ចំពោះយុត្តិធម៌សង្គម ប្រាក់ឈ្នួលសមរម្យ និងសិទ្ធិសេរីភាពក្នុងការបញ្ចេញមតិ ហើយលក្ខខណ្ឌការងារដែលមានសុវត្ថិភាព ឬមានន័យថា “អ្នកបរិសុទ្ធ” ធ្វើឱ្យឈ្មោះនេះជាឈ្មោះសមរម្យ សម្រាប់សម្តេចប៉ាបថ្មី។
ប្រែសម្រួលដោយ ៖ សេនាមេឃ
ប្រភពទិន្នន័យ៖ Reuters / CNN
ប្រភពរូបភាព៖ Reuters
