រដ្ឋាភិបាលកូរ៉េខាងត្បូងបានប្រកាសកាលពីថ្ងៃពុធ (២៣ តុលា) ថានឹងបញ្ចេញស្ពៃបូកគោ (cabbage)ចំនួន ២៤,០០០ តោន ពីឃ្លាំងស្តុកជាតិ ដើម្បីផ្គត់ផ្គង់ដល់ផលិតគីមឈី ក្នុងរដូវកាលផលិតកម្មកំពូលនាពេលខាងមុខ បន្ទាប់ពីបានបន្ទោសលើការឡើងកំដៅផែនដីថាជាមូលហេតុនៃការធ្លាក់ចុះនៃផលិតកម្មបន្លែដែលជាវត្ថុធាតុដើមសំខាន់សម្រាប់ធ្វើគីមឈី។
គីមឈីហឹរ ឬបន្លែជ្រក់រសជាតិហិរនេះគឺជាអាហារសំខាន់មួយរបស់ជនជាតិកូរ៉េ អាចធ្វើពីបន្លែជាច្រើនប្រភេទដូចជា មើមឆៃថាវ ត្រសក់ និងគល់ខ្ទឹម ស្លឹកខ្លឹម ប៉ុន្តែគីមឈីដែលអ្នកចូលចិត្តញ៉ាំបំផុតត្រូវតែធ្វើពីស្ពៃបូកគោ។
ជារៀងរាល់ឆ្នាំ រដ្ឋាភិបាលកូរ៉េខាងត្បូងដាក់ចេញនូវវិធានការគាំទ្រតម្លៃស្ពៃបូកគោ ឆៃថាវម្សៅម្ទេសក្រហម និងគ្រឿងផ្សំផ្សេងទៀតគឺជាការចាំបាច់សម្រាប់ការធ្វើគីមឈីក្នុងអំឡុងខែវិច្ឆិកា ដែលត្រូវបានគេចាត់ទុកថាជារយៈពេលកំពូលនៃរដូវកាលផលិតគីមឈី។
ទោះជាយ៉ាងណាក៏ដោយ អាកាសធាតុក្តៅខុសពីធម្មតាក្នុងឆ្នាំនេះ បានធ្វើឱ្យមានការព្រួយបារម្ភថា ការផលិតស្ពៃបូកគោ និង ឆៃថាវ មិនគ្រប់គ្រាន់ជាលទ្ធផល រដ្ឋាភិបាលត្រូវបង្កើនបរិមាណស្ពៃបូកគោស ដែលរដ្ឋាភិបាលបានចុះកិច្ចសន្យា ដើម្បីពង្រីកលើទីផ្សារចំនួន ១០% ធៀបនឹងឆ្នាំមុននេះបើតាមព័ត៌មានពីក្រសួងកសិកម្មកូរ៉េខាងត្បូង។
ស្ពៃបូកគោស ឬ napa cabbage ដែលប្រើក្នុងការផលិតគីមឈី ផលិតបានល្អក្នុងអាកាសធាតុត្រជាក់ហើយជាធម្មតាវាត្រូវបានដាំដុះនៅតំបន់ភ្នំដែលសីតុណ្ហភាពនៅរដូវក្តៅភាគច្រើនត្រូវតែទាបជាង 25 អង្សាសេ។
ទោះជាយ៉ាងណាក៏ដោយ សីតុណ្ហភាពជាមធ្យមនៅក្នុងប្រទេសកូរ៉េខាងត្បូងចាប់ពីខែមិថុនាដល់ខែសីហា គឺជាកំណត់ត្រាខ្ពស់បំផុតចាប់តាំងពីស្ថិតិជាតិបានចាប់ផ្តើមនៅឆ្នាំ 1973 ពេលយប់ដែលមានសីតុណ្ហភាពលើសពី 25 អង្សាសេ លើសពីមធ្យមភាគទាំងអស់នេះបើតាមព័ត៌មានពីទីភ្នាក់ងារឧតុនិយមកូរ៉េខាងត្បូង។
ផលិតផលដោយសារតែអាកាសធាតុក្តៅបានធ្វើឱ្យតម្លៃលក់ដុំនៃស្ពៃបូកគោនៅក្នុងប្រទេសកូរ៉េខាងត្បូងកើនឡើងដល់ 9,537 វ៉ុន (ប្រហែល 28,000 រៀល) ក្នុងស្ពៃបូកគោ1គុម្ព នៅពាក់កណ្តាលខែកញ្ញាពីតម្លៃជាមធ្យមត្រឹមតែ 3,000 វ៉ុន (ប្រហែល 9,000 រៀល)នៅដើមខែកក្កដា មុនពេលតម្លៃធ្លាក់ចុះមកត្រឹម 5,610 វ៉ុន (ប្រហែល 17,000 រៀល) ហើយត្រូវបានគេរំពឹងថានឹងថយចុះបន្ថែមទៀតនៅចុងខែវិច្ឆិកា នៅពេលដែលផលិតផលកាន់តែច្រើនត្រូវបានបញ្ចេញទៅកាន់ទីផ្សារ។
រដ្ឋាភិបាលកូរ៉េខាងត្បូងគ្រោងនឹងអភិវឌ្ឍបច្ចេកវិទ្យាស្តុកទុក និងពង្រីកតំបន់ស្តុកស្ពៃបូកគោ គោលដៅគឺដើម្បីឱ្យមានសាឡាត់ 1,000 តោននៅក្នុងស្តុកទុកក្នុងគ្រាអាសន្នរបស់រដ្ឋគ្រប់ពេលវេលាដើម្បីការពារការខ្វះខាតផលិតផល។
មានការស្រាវជ្រាវដែលបង្ហាញថា អាកាសធាតុក្តៅដែលបង្កឡើងដោយការឡើងកំដៅផែនដីកំពុងប៉ះពាល់ដល់ដំណាំកសិកម្មហើយថ្ងៃណាមួយកូរ៉េខាងត្បូងប្រហែលជាមិនអាចដាំស្ពៃបូកគោបានទៀតទេ។
