លោក ចាងអ៊ីមីង (张一鸣 ) ស្ថាបនិកក្រុមហ៊ុន Bydance ដែលជាក្រុមហ៊ុនមេរបស់ TikTok ត្រូវបានជាប់ចំណាត់ថ្នាក់ជាបុរសមានបំផុតរបស់ប្រទេសចិនក្នុងឆ្នាំនេះ ជាមួយនឹងតម្លៃអចលនទ្រព្យកើនឡើងដល់ 49,300 លានដុល្លារអាមេរិក។
លោក ចាង អាយុ 41 ឆ្នាំដែលបានលាលែងពីតំណែងជានាយកប្រតិបត្តិក្រុមហ៊ុន Bydance ក្នុងឆ្នាំ 2021 គឺជាមនុស្សទី 18 ដែលត្រូវបានទទួលតំណែងជាបុរសមានបំផុតរបស់ប្រទេសចិន នេះបើតាមការចាត់ថ្នាក់របស់ Hurun China Rich List។
ទ្រព្យសម្បត្តិរបស់ Zhang បានកើនលើសអតីតជើងឯកចុសាសាន( Zhong Shanshan )ស្ថាបនិកម៉ាកទឹករ៉ែ Nong Fu Shanquan បានធ្លាក់ចុះមកនៅលំដាប់ទី2 ខណៈដែលទ្រព្យសកម្មធ្លាក់ចុះ 24% មកត្រឹមតែ 47,900 លានដុល្លារអាមេរិក។
ទោះបីជាប្រឈមនឹងព្យុះផ្លូវច្បាប់ទាក់ទងនឹងទ្រព្យសម្បត្តិនៅក្នុងសហរដ្ឋអាមេរិកក៏ដោយ ប៉ុន្តែប្រាក់ចំណូលសកលរបស់ Bydance នៅតែកើនឡើង 30 ភាគរយកាលពីឆ្នាំមុនដល់ 110,000 លានដុល្លារ ដែលជួយឱ្យទ្រព្យសម្បត្តិរបស់ចាង កើនឡើង នេះបើយោងតាម Hurun ។
មហាសេដ្ឋីចិនចំណាត់ថ្នាក់លេខ 3 នៅឆ្នាំនេះគឺលោក ផូនី ម៉ា Pony Ma ស្ថាបនិកក្រុមហ៊ុន Tencent ហើយខណៈដែលលោក ខូលីន Colin Huang ស្ថាបនិកក្រុមហ៊ុន PDD Holdings បានធ្លាក់មកចំណាត់ថ្នាក់ទី 4 ទោះបីជាវេទិកាពាណិជ្ជកម្មអេឡិចត្រូនិកដែលពាក់ព័ន្ធ Pinduoduo និង Temu ហើយនឹងបន្តរីកចម្រើន និងបង្កើនប្រាក់ចំណូលជាបន្តបន្ទាប់ក៏ដោយ។
ចំនួនមហាសេដ្ឋីចិនដែលបានចុះបញ្ជីក្នុងបញ្ជីរបស់ Hurun នៅឆ្នាំនេះបានធ្លាក់ចុះ 142 នាក់មកនៅត្រឹម 753 នាក់ ពោលគឺតិចជាងមួយភាគបី តិចជាងចំនួនឆ្នាំពេញនិយាមនៅឆ្នាំ 2021។
“សេដ្ឋកិច្ច និងទីផ្សារភាគហ៊ុនរបស់ចិនកំពុងប្រឈមមុខនឹងឆ្នាំដ៏លំបាក លោក រូកផើក(Rupert Hoogewerf )ប្រធាន Hurunបាននិយាយថា វិស័យដែលមានការថយចុះខ្លាំងបំផុតនៃទ្រព្យសម្បត្តិគឺ អចលនទ្រព្យ ទន្ទឹមនឹងនេះ ក្រុមហ៊ុនផលិតគ្រឿងអេឡិចត្រូនិកកំពុងពង្រីក និងរីកចម្រើនយ៉ាងឆាប់រហ័ស នេះអាចត្រូវបានគេមើលឃើញថាជាឧទាហរណ៍ពីលោកឡីជុន Lei Jun ដែលជាស្ថាបនិកក្រុមហ៊ុនសៀវមី Xiaomi ដែលទ្រព្យសម្បត្តិរបស់គាត់បានកើនឡើងដល់ 5,000 លានដុល្លារនៅឆ្នាំនេះ។
