ទីតាំងផ្ទះសំណាក់យីហោ សន្តិភាព អតីតយីហោ ចាក់អង្រែក្រោម តែងតែមានក្រុមក្មេងស្ទាវប្រុសស្រី មកស្នាក់នៅពពាក់ពពូនគ្នា ត្រូវបានកម្លាំងចម្រុះគណៈបញ្ជាការឯកភាពខណ្ឌមានជ័យ ចុះធ្វេីរដ្ឋបាលត្រួតពិនិត្យឆែកឆេរ រកឃេីញមានការប្រមូលផ្ដុំគ្នា វត្ថុតាងពាក់ព័ន្ធការប្រេីគ្រឿងញៀន និងឃាត់ខ្លួនបានជនប្រុសស្រី៨នាក់ បញ្ជូនទៅសាកសួរភ្លាមៗ ។
.បេីតាមមន្ត្រីប៉ុស្តិ៍នគរបាលចាក់អង្រែក្រោម បានប្រាប់អ្នកយកព័ត៌មានយេីងថា; ការចុះត្រួតពិនិត្យរដ្ឋបាលនេះ ធ្វេីឡេីង បន្ទាប់ពីមានការរាយការណ៍ពីបងប្អូនប្រជាពលរដ្ឋថា; ទីតាំងផ្ទះសំណាក់យីហោ “សន្តិភាព” អតីតយីហោ “ចាក់អង្រែក្រោម” ស្ថិតតាមបណ្ដោយផ្លូវជាតិលេខ២ ភូមិព្រែកតាឡុង២ សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ សំបូរទៅដោយក្រុមក្មេងស្ទាវប្រុសស្រី មកជួលបន្ទប់ស្នាក់នៅពពាក់ពពូនគ្នា បង្កហិង្សា វា.យកា.ប់គ្នា និងលួ.ចលាក់ប្រព្រឹ.ត្តបទល្មេីសផ្សេងៗ ធ្វេីឲ្យបងប្អូនប្រជាពលរដ្ឋរស់នៅក្បែរៗនោះ មានការព្រួយបារម្ភយ៉ាងខ្លាំងចំពោះសុវតិ្ថភាពកូនចៅ ដែលធ្វេីការយប់ព្រលប់ ងាយនឹងប្រឈមនឹងបញ្ហាផ្សេងៗ ដែលបង្កឡេីងដោយការប្រមូលផ្ដុំរបស់ក្រុមយុវជន(ស្ទាវៗ)អស់ទាំងនោះ ។
បន្ទាប់ពីទទួលបានព័ត៌មាននេះពីប្រជាពលរដ្ឋដដែលៗពេក ទេីបនៅនៅវេលាម៉ោង០៧:៣០នាទីយប់ ថ្ងៃចន្ទ ទី២ ខែធ្នូ ឆ្នាំ២០២៤នេះ លោក សេង គន្ធ អភិបាលនៃគណៈអភិបាលខណ្ឌមានជ័យ និងជាប្រធានគណៈបញ្ជាការឯកភាពខណ្ឌមានជ័យ បានដឹកនាំកម្លាំងគណៈបញ្ជាការឯកភាពខណ្ឌ មានកម្លាំងអធិការដ្ឋាននគរបាលខណ្ឌមានជ័យ ដឹកនាំដោយលោកវរសេនីយ៍ឯក អ៊ុក បូនីន អធិការនគរបាលខណ្ឌ និងកម្លាំងមូលដ្ឋានកងរាជអាវុធហត្ថខណ្ឌមានជ័យ ដឹកនាំលោកមេបញ្ជាការរង និងកម្លាំងសន្តិសុខសណ្ដាប់ធ្នាប់សាលាខណ្ឌ រួមទាំងកម្លាំងរដ្ឋបាលសង្កាត់ចាក់អង្រែក្រោម និងកម្លាំងប៉ុស្តិ៍រដ្ឋបាលចាក់អង្រែក្រោម បានចុះធ្វេីរដ្ឋបាលត្រួតពិនិត្យ ឆែកឆេរទីតាំងផ្ទះសំណាក់ខាងលេីតែម្ដង ។
ជាលទ្ធផលរកឃើញថា; ផ្ទះសំណាក់ខាង់លេី បច្ចុប្បន្នពុំមានច្បាប់លិខិតអនុញាតិទេ និងពុំមានកត់ទិន្នន័យអ្នកចូលមកស្នាក់នៅឡេីយ មានបេីកជួលបន្ទប់ប្រចាំខែផង ជួលគិតម៉ោងផង និងជួលគិតថ្ងៃផង ដោយគិតសេវាថ្លៃជួលជួលបន្ទប់តាមអ្វីដែលភ្ញៀវចង់ជួល ដោយមានអ្នកមកជួលបន្ទប់ស្នាក់នៅប្រចាំខែ គិតម៉ោង និងប្រចាំថ្ងៃ ។ បន្ទប់ស្នាក់នៅសរុបចំនួន៣៥បន្ទប់ មានមនុស្សស្នាក់នៅចំនួន១៤បន្ទប់ ក្នុងនោះមានការស្នាក់នៅប្រមូលផ្ដុំ នៅចំណុចបន្ទប់លេខ២០៣ និងបានរកឃេីញ វត្ថុតាងពាក់ព័ន្ធករណីគ្រឿ.ងញៀ.នមួយចំនួន និងដោយធ្វេីការឃាត់ខ្លួ.នមនុស្ស ចំនួន០៨នាក់ (ប្រុស០៣នាក់ ស្រី០៥នាក់) នាំទៅស្នាក់ការប៉ុស្តិ៍នគរបាលរដ្ឋបាលចាក់អង្រែក្រោម ដេីម្បីសាកសួរ និងធ្វេីតេស្ដរកសារធាតុញៀន ជាលទ្ធផល យុវជនទាំង៣នាក់ វិជ្ជមាន និងយុវតីទាំង៥នាក់ អវិជ្ជមាន ។
#សូមបញ្ជាក់ថា; ចំពោះអ្នកគ្រប់គ្រងទីតាំងផ្ទះសំណាក់នេះ ដូចជាមើលស្រាលការណែនាំរបស់សាលារាជធានីភ្នំពេញ ក៏ដូចជាសាលាខណ្ឌ និងសង្កាត់ពេកហេីយ ទេីបបានជាមិនដែលខ្វល់ពីការណែនាំ មិនបានសុំអត្តសញ្ញាណប័ណ្ណ ឬ លិខិតឆ្លងដែន ពីភ្ញៀវគ្រប់រូប ដែលចូលស្នាក់នៅទីតាំងរបស់ខ្លួនឡេីយ, ប្រសិនបើមានបទល្មើសផ្សេងៗកើតឡើង យើងមានអត្តសញ្ញាណជនសង្ស័យ នោះអាជ្ញាធរនិងសមតកិច្ចអាចសាវជ្រាវ ឈានទៅដល់ការឃាត់ខ្លួនជនទាំងនោះមកដាក់ទោសតាមផ្លូវច្បាប់បាន ។
បច្ចុប្បន្នយុវជនទាំង៣នាក់ខាងលើ កំពុងឃាត់ខ្លួនបណ្ដោះអាសន្ន នៅអធិការដ្ឋាននគរបាលខណ្ឌមានជ័យ ដើម្បីកសាងសំណុំរឿងចាត់តាមនីតិវិធី រីឯអ្នកគ្រប់គ្រងផ្ទះសំណាក់ក៏ត្រូវបានសមត្ថកិច្ចហៅមកសាកសួរនៅប៉ុស្តិ៍ផងដែរ ៕
