កាលពីថ្ងៃទី 4 ខែធ្នូ ឆ្នាំ 2024 ម៉ោងក្នុងស្រុកនៅទីក្រុងញូវយ៉ក ហេតុការណ៍ដ៏គួរឲ្យភ្ញាក់ផ្អើលមួយបានកើតឡើង នៅពេលដែលលោក ប្រៃអាន់ ថមសាន់ Brian Thompson នាយកប្រតិបត្តិនៃក្រុមហ៊ុន United Health (UnitedHealth) ដែលជាក្រុមហ៊ុនធានារ៉ាប់រងសុខភាពធំជាងគេនៅសហរដ្ឋអាមេរិក ត្រូវបានឃាតកបាញ់សម្លាប់នៅកណ្តាលក្រុងម៉ានហាតាន់ ដំបូងឡើយ ប៉ូលិសបានជឿថា ជនដៃដល់មានបំណងរង់ចាំដើម្បីផ្តាច់ជីវិតលោក Thompson។
របាយការណ៍បានសសេរថា Thompson អាយុ 50 ឆ្នាំត្រូវបានបាញ់នៅម៉ោងប្រហែល 6:45 ព្រឹកនៅខាងក្រៅសណ្ឋាគារ Hilton នៅលើវិថីស៊ិកសវើញូ នៅពេលវេលាមុនពេលព្រឹត្តិការណ៍ទិវាវិនិយោគប្រចាំឆ្នាំរបស់ UnitedHealth ចាប់ផ្តើម គាត់ត្រូវបានបញ្ជូនទៅកាន់មន្ទីរពេទ្យក្បែរនោះ
ខណៈដែលជនល្មើសបានរត់គេចខ្លួន។
សារព័ត៌មានក្នុងស្រុករាយការណ៍ថាខ្មាន់កាំភ្លើងបានរង់ចាំ Brian ខណៈពេលដែលគាត់កំពុងដើរនៅម្ខាងផ្លូវ បន្ទាប់មកបានប្រើកាំភ្លើង៩មិល្លីម៉ែត្របាញ់គាត់៦គ្រាប់ដោយប្រើឧបករណ៍បំបិទសំឡេង សំបកគ្រាប់កាំភ្លើងដែលរកឃើញនៅកន្លែងកើតហេតុត្រូវបានឆ្លាក់ដោយពាក្យ ‘Delay”ពន្យាពេល’ ‘ Deny បដិសេធ’ និង ‘ ‘Depose’ ដោះលែងរឿងក្តី’ ស្របតាមកេរ្តិ៍ឈ្មោះមិនសូវល្អរបស់ United Health នេះគឺដោយសារតែអត្រាបដិសេធការបង់ប្រាក់ធានារ៉ាប់រងមានកម្រិតខ្ពស់រហូតដល់ 32% ដែលត្រូវបានចាត់ទុកថាខ្ពស់បំផុតក្នុងចំណោមក្រុមហ៊ុនធានារ៉ាប់រងសុខភាពទាំងអស់ ក៏មានអត្រាបដិសេធការបង់ប្រាក់ដំបូងខ្ពស់រហូតដល់ 90% ដែលបណ្តាលឱ្យមានបណ្តឹងមួយចំនួនធំរវាងក្រុមហ៊ុនធានារ៉ាប់រងអាមេរិក និងក្រុមហ៊ុនជាច្រើន។
ការបដិសេធការបង់ប្រាក់របស់ក្រុមហ៊ុនធានារ៉ាប់រងមានផលប៉ះពាល់ដោយផ្ទាល់ទៅលើអ្នកជំងឺ ជាពិសេសអ្នកដែលត្រូវការការព្យាបាលជាបន្តបន្ទាប់ ព្រោះបើអត់មានលុយធានារ៉ាប់រង មន្ទីរពេទ្យនឹងត្រូវបញ្ឈប់ការព្យាបាលជាបណ្តោះអាសន្ន។
ការបាញ់ប្រហារនេះបានធ្វើឱ្យមានវិភាគយ៉ាងខ្លាំងពីសំណាក់អ្នកលេងអ៊ីនធឺណិត មនុស្សជាច្រើនបានបង្ហាញទស្សនៈថាខ្មាន់កាំភ្លើងអាចតំណាងឱ្យអ្នកដែលមិនអាចទ្រាំទ្រនឹងភាពអយុត្តិធម៌នៃប្រព័ន្ធថែទាំសុខភាពនៅក្នុងសហរដ្ឋអាមេរិក ហើយបើទោះជាប៉ូលិសអាចបង្រួមចំនួនជនសង្ស័យមកត្រឹមប្រហែល 25 លាននាក់ដែលត្រូវបានបដិសេធការបង់ប្រាក់ក៏ដោយ ការចាប់ខ្មាន់កាំភ្លើងប្រហែលជាមិនមែនជារឿងងាយស្រួលនោះទេ។
ហេតុការណ៏នេះ ជាផល ធ្វើអោយក្រុមហ៊ុនធានារ៉ាប់រងផ្សេងទៀតរបស់សហរដ្ឋអាមេរិកកំពុងពិនិត្យឡើងវិញជាបន្ទាន់នូវវិធានការសុវត្ថិភាពសម្រាប់នាយកប្រតិបត្តិជាន់ខ្ពស់ រួមទាំងក្រុមហ៊ុន CVS Health ដែលជាក្រុមហ៊ុនធានារ៉ាប់រងសុខភាពធំមួយទៀតរបស់សហរដ្ឋអាមេរិកផងដែរ រូបថត និងព័ត៌មានទាំងអស់របស់ក្រុមអ្នកគ្រប់គ្រងជាន់ខ្ពស់ត្រូវបានដកចេញពីគេហទំព័រ ដើម្បីការពារហានិភ័យដែលអាចកើតមានឡើង។
រ៉ូប៊ើតដាមិកូ Robert D’Amico អតីតភ្នាក់ងារ FBI និងជាស្ថាបនិកក្រុមហ៊ុន Sierra One Consulting ដែលជាក្រុមហ៊ុនប្រឹក្សាសន្តិសុខ បាននិយាយថា៖ ការដករូបភាពចេញពីគេហទំព័រឆ្លុះបញ្ចាំងពីការខិតខំប្រឹងប្រែងដើម្បីកាត់បន្ថយហានិភ័យដែលតួអង្គអាក្រក់នឹងអាចកំណត់អត្តសញ្ញាណបានយ៉ាងងាយស្រួល និងទទួលបានសិទ្ធិចូលដំណើរការទៅកាន់នាយកប្រតិបត្តិ។ក៏បាននិយាយថាក្នុងអំឡុងពេល១៨ខែកន្លងមកនេះ អាជីវកម្មថែទាំសុខភាពនៅសហរដ្ឋអាមេរិក ប្រឈមមុខនឹងជម្លោះកើនឡើង ដូច្នេះហើយទើបវិធានការសុវត្ថិភាពថ្មីត្រូវតែស្រាវជ្រាវដើម្បីដោះស្រាយលទ្ធភាពនៃឧក្រិដ្ឋកម្មហិង្សា។
ការស្លាប់របស់ Thompson គឺជាសញ្ញាព្រមានអំពីហានិភ័យដែលប្រឈមមុខនឹងនាយកប្រតិបត្តិជាន់ខ្ពស់ ជាពិសេសនៅក្នុងឧស្សាហកម្មដែលទាក់ទងនឹងសុខភាព និងការធានារ៉ាប់រង នេះជាបញ្ហាដែលប៉ះពាល់ផ្ទាល់ដល់ជីវភាព និងជីវភាពរស់នៅរបស់ប្រជាពលរដ្ឋ។
សូមទស្សនាវីដេអូ https://abcnews.go.com/GMA/News/video/manhunt-killer-shot-unitedhealthcare-ceo-116477587
ប្រភពពី ៖ THESTATESTIMES
