ប៉ូលីសអន្តោប្រវេសន៍ថៃចាប់ក្រុមបោកប្រាស់តាមទូរស័ព្ទ (Call Center )ជាអតីតក្រុមយ៉ាគុហ្សាជប៉ុន
អនុវត្តន៍តាមគោលនយោបាយរបស់អគ្គមេបញ្ជាការប៉ូលីសជាតិថៃ គឺលោកឧត្តមសេនីយ៍ឯក គីតរ៉ាត់ ផាន់ភេត Kittirat Phanphet លោកឧត្តមសេនីយ៍ឯក ក្រៃប៊ុនស៊ួតស៊ុង Kraiboon Thaudsong អគ្គមេបញ្ជាការរងប៉ូលីសជាតិថៃ លោកឧត្តមសេនីយ៍ឯក ថៈណា ឈូវង្ស អគ្គមេបញ្ជាការរងប៉ូលីសជាតិថៃនិងជាប្រធានមជ្ឈមណ្ឌលបង្ក្រាបឧក្រិដ្ឋកម្មឆ្លងដែន និងអន្តោប្រវេសន៍ខុសច្បាប់នៃទីបញ្ជាការប៉ូលីសជាតិថៃ ឧត្តមសេនីយ៍ទោ អ៊ិតទ្ធិភុន អ៊ិតទ្ធិសាវ៉ាន់ឆៃ ជំនួយការអគ្គមេបញ្ជាការប៉ូលីសជាតិថៃ បានបញ្ជាឱ្យនាយកដ្ឋានអន្តោប្រវេសន៍ ស្ទាក់ចាប់ ត្រួតពិនិត្យ និងឃាត់ខ្លួនជនបរទេស ដែលចូលមករកស៊ីខុសច្បាប់ក្នុងប្រទេសថៃ រួមទាំងការចុះត្រួតពិនិត្យ ជនជាតិថៃ និងជនបរទេសដែលប្រព្រឹត្តអំពើមិនសមរម្យពេលស្នាក់នៅក្នុងប្រទេសថៃ បំពានច្បាប់ បង្កគ្រោះថ្នាក់ដល់សន្តិភាព និងសុវត្ថិភាពអាយុជីវិត និងទ្រព្យសម្បត្តិរបស់ប្រជាពលរដ្ឋ ធ្វើឱ្យខូចមុខមាត់ប្រទេស ជាពិសេសក្រុមឧក្រិដ្ឋជនអន្តរជាតិ ដែលបានលាក់ខ្លួន និងបង្កបទឧក្រិដ្ឋ ឬដោយប្រើប្រាស់ប្រទេសថៃជាមូលដ្ឋានសម្រាប់ប្រព្រឹត្តបទឧក្រិដ្ឋ។
ក្រោមការដឹកនាំរបស់ ឧត្តមសេនីយ៍ត្រី ប៉ានុម៉ាត ប៊ុណ្ណាឡាក់ អនុប្រធាន នាយកដ្ឋានអន្តោប្រវេសន៍ រួមជាមួយលោកឧត្តមសេនីយ៍ត្រី ផាន់ណាក់ នុតណារ៉ុតអនុប្រធាន នាយកដ្ឋានអន្តោប្រវេសន៍ លោកឧត្តមសេនីយ៍ត្រី ថានិត ថៃវ៉ាត់ឆារ៉ាម៉ាត ប្រធានការិយាល័យប៉ូលីសអន្តោប្រវេសន៍ ឧត្តមសេនីយ៍ត្រី ប្រាផាន់សាក់ ប្រាសានស៊ុក ប្រធានការិយាល័យស៊ើបអង្កេតនៃនាយកដ្ឋានអន្តោប្រវេសន៍ លោកវរសេនីយ៍ឯក រ៉ាត់ឈូត ឈូតទិគុន អនុប្រធានការិយាល័យស៊ើបអង្កេតនៃនាយកដ្ឋានអន្តោប្រវេសន៍ លោកវរសេនីយ៍ឯក ឈិត ដេឆា មេបញ្ជាការរងការិយាល័យអន្តោប្រវេសន៍ភូមិភាគទី7 លោកវរសេនីយ៍ឯក ឆៃ ផាណាគីត នាយការិយាល័យស៊ើបអង្កេត , វរសេនីយ៍ឯក ឈូវង្ស អ៊ុថៃសាង នាយរងការិយាល័យអន្តោប្រវេសន៍, លោកវរសេនីយ៍ឯក ថាវ៉ាត់ឆៃណារិនរ៉ាត់ នាយការិយាល័យប៉ូលីសមជ្ឈិម និងលោកវរសេនីយ៍ឯក ភីស៊ីត ស្សីអន នាយការិយាល័យប៉ូលីសបង្ក្រាបបទល្មើស បានចូលរួមធ្វើសន្និសីទសារព័ត៌មាន ការឃាត់ខ្លួនជនសង្ស័យសំខាន់ៗដូចខាងក្រោម៖
ដោយនាយកដ្ឋានអន្តោប្រវេសន៍មានការសម្របសម្រួលពីស្ថានទូតជប៉ុនមានមូលដ្ឋាននៅប្រទេសថៃ ករណីក្រុមឧក្រិដ្ឋជនបង្កើតការិយាល័យទូរស័ព្ទដើម្បីបោកប្រាស់ប្រជាជនជប៉ុន គោលដៅគឺមនុស្សចាស់ដែលរស់នៅក្នុងប្រទេសជប៉ុន ដោយបញ្ឆោតថានឹងទទួលបានប្រាក់ធានារ៉ាប់រងសុខភាពមកវិញ។ ដែលក្រុមមជ្ឈមណ្ឌលហៅទូរស័ព្ទជប៉ុននេះ នឹងធ្វើការពីថ្ងៃច័ន្ទដល់ថ្ងៃសៅរ៍ជាមួយនឹងទ្រង់ទ្រាយបោកបញ្ឆោតនោះ“គឺជាការស្នើសុំសំណងសម្រាប់ថ្លៃព្យាបាល ប្រើទូរសព្ទបោកបញ្ឆោតមនុស្សចាស់នៅជប៉ុន ដោយអះអាងថាខ្លួនជាមន្ត្រីរដ្ឋាភិបាល” ដែលមជ្ឈមណ្ឌលហៅទូរសព្ទដំបូងនឹងក្លែងធ្វើជាមន្ត្រីទទួលខុសត្រូវនៃទីភ្នាក់ងាររដ្ឋាភិបាល។
ការហៅទូរស័ព្ទដោយពន្យល់ជនរងគ្រោះនៅប្រទេសជប៉ុនថា ការចំណាយលើផ្នែកព្យាបាលដែលបានសន្សំរាប់លានយ៉េននឹងត្រូវសងវិញ ហើយនឹងឱ្យជនរងគ្រោះរៀបចំលុយក្នុងគណនីចាប់ពី 500,000 យ៉េន ឬច្រើនជាងនេះ បន្ទាប់មកបញ្ឆោតជនរងគ្រោះឱ្យធ្វើប្រតិបត្តិការផ្ទេរប្រាក់តាមម៉ាស៊ីន ATM ទៅកាន់គណនីរបស់ឧក្រិដ្ឋជន។ នៅពេលដែលជនរងគ្រោះបានផ្ទេរប្រាក់ហើយ មេក្រុមឧក្រិដ្ឋជននឹងបញ្ជាឱ្យអ្នកក្រោមបង្គាប់ដកប្រាក់ពីគណនី ការខូចខាតត្រូវបានរកឃើញថាមានជាងរាប់សិបលានយ៉េនក្នុងមួយថ្ងៃ។ តាមការស៊ើបអង្កេតបានរកឃើញថា ក្រុមឧក្រិដ្ឋជនបានបង្កើតការិយាល័យហៅទូរស័ព្ទសម្ងាត់ចំនួន២ទីតាំងក្នុងខេត្តឈុនបុរី ដូច្នេះហើយទើបមានដីកាស្រាវជ្រាវពីតុលាការខេត្តប៉ាតាយ៉ា ដើម្បីស្រាវជ្រាវព័ត៌មានលម្អិតមានដូចខាងក្រោម៖
ចំណុចទី១៖ ផ្ទះហ្វូលវីឡាប្រណិត (ផ្ទះកម្រិតមេបញ្ជាការ) រកឃើញជនបរទេស ជនជាតិជប៉ុនពីរនាក់គឺលោកថាកាយ៉ូគិ Takayuki (សុំលាក់នាមត្រកូល) និងលោក ហាជិមេះHajime (សុំលាក់នាមត្រកូល) រស់នៅក្នុងលំនៅឋាន មានសកម្មភាពជាអ្នកគ្រប់គ្រង និងផ្តល់ការបញ្ជាដល់បុគ្គលិកមជ្ឈមណ្ឌលហៅទូរស័ព្ទ។ ទន្ទឹមនឹងការរកឃើញវត្ថុតាង ទូរសព្ទដៃ ថេបប្លេត សម្ភារៈកុំព្យូទ័រ សរុបចំនួន ៤២ មុខ និងភស្តុតាងដែលបញ្ជាក់ថា ជាក្រុមជនបោកប្រាស់ពិតប្រាកដ រួមមានរូបភាពសន្ទនាជាមួយសមាជិក Call Center អត្ថបទអោយនិយាយ និងព័ត៌មានជនរងគ្រោះដែលត្រូវបោកប្រាស់។ល។
ចំណុចទី២៖ ផ្ទះហ្វូល វីឡា( ផ្ទះទីតាំងCall Center House) ការត្រួតពិនិត្យរកឃើញជនបរទេសជនជាតិជប៉ុនចំនួន ០៣នាក់៖ លោក Kenjiro លោក Takahiro និងលោក Katsuhito ស្នាក់នៅដោយមានសក្មភាពជាបុគ្គលិកមជ្ឈមណ្ឌលហៅទូរស័ព្ទរួមជាមួយការរកឃើញភស្តុតាងទូរស័ព្ទដៃ ថេបប្លេត និងក្តារឈ្មោះ សរុបព័ត៌មានចំនួន ៣៧ អំពីរបស់ជនរងគ្រោះ ហើយភស្តុតាងត្រូវបានរកឃើញដែលបញ្ជាក់ថា ពិតជាក្រុមជនបោកប្រាស់ រួមទាំងអត្ថបទ ការសន្ទនាជាមួយជនរងគ្រោះ ព័ត៌មានជនរងគ្រោះដែលត្រូវបានបោកបញ្ឆោត។ល។
ដោយសកម្មភាពនិងភស្តុតាង ជឿថាជនបរទេសទាំង៥នាក់គឺជាមនុស្សដែលបង្កគ្រោះថ្នាក់ដល់សង្គមដូច្នេះហើយទើបលោកអគ្គបញ្ជាការប៉ូលីសជាតិសម្រេចដកហូតសិទ្ធិស្នាក់នៅក្នុងព្រះរាជាណាចក្រថៃ ក្រោយមក ជននេះត្រូវបាននាំខ្លួនទៅកាន់ទីបញ្ជាការគ្រប់គ្រងជនអន្តោប្រវេសន៍ទី3 ដើម្បីឃុំខ្លួននឹងបន្តតាមផ្លូវច្បាប់។
ក្រោយការស៊ើបអង្កេតបន្ថែមក៏បានរកឃើញថា មេក្រុមរូបនេះគឺជាសមាជិកនៃក្រុមយ៉ាគុហ្សា Yakuza Yamaguchi នៅប្រទេសជប៉ុន ការស៊ើបអង្កេតបឋមបានរកឃើញថាជនរងគ្រោះត្រូវបានបោកប្រាស់ តម្លៃនៃការខូចខាតសរុបគឺ 24,000,000 យ៉េនក្នុងមួយថ្ងៃ បានរកឃើញថា ជនល្មើសបានប្រើលុយដើម្បីលាងលុយកខ្វក់ ដោយបើកអាជីវកម្មដោយប្រើជនជាតិថៃជាអ្នកតំណាង នឹងស៊ើបអង្កេតនិងប្រមូលភស្តុតាងដើម្បីពង្រីកបន្ថែមទៀតនូវលទ្ធផលនៃបទល្មើស។
ដោយ សេនាមេឃ
ប្រភពពី ៖ The Bangkok Times เดอะบางกอกไทม์
