លោក Donald Trump ប្រធានាធិបតីជាប់ឆ្នោតរបស់សហរដ្ឋអាមេរិក នៅថ្ងៃអង្គារ (៧ មករា) ថានឹងមិនច្រានចោលនូវលទ្ធភាពនៃការប្រើប្រាស់កម្លាំងយោធា ឬវិធានការសេដ្ឋកិច្ចទេ ដើម្បីទទួលបានការកាន់កាប់ព្រែកប៉ានណាម៉ា Panama និងកោះគ្រីនលែន Greenland គឺជាផ្នែកមួយនៃរបៀបវារៈពង្រីកអោយទូលំទូលាយដែលគាត់បាននិយាយជាច្រើនដងចាប់តាំងពីការឈ្នះការបោះឆ្នោតថ្ងៃទី 5 ខែវិច្ឆិកា។
លោក Trump ដែលនឹងត្រូវស្បថចូលកាន់តំណែងនៅថ្ងៃទី 20 ខែមករាក៏បាននិយាយថាលោកនឹងអំពាវនាវឱ្យសម្ព័ន្ធមិត្តណាតូបង្កើនការចំណាយលើវិស័យការពារជាតិ ហើយបានសន្យាថានឹងប្តូរឈ្មោះឈូងសមុទ្រម៉ិកស៊ិកទៅជាឈូងសមុទ្រអាមេរិក បន្ទាប់ពីពេលថ្មីៗនេះ គាត់មានគំនិតនៃការប្រែក្លាយកាណាដាទៅជារដ្ឋទី 51 នៃសហរដ្ឋអាមេរិក។
នៅសល់រយៈពេល2សប្តាហ៍ទៀតរហូតដល់ការចូលកាន់តំណែងរបស់លោក Trump បានចាប់ផ្តើមបង្ហាញពីគោលនយោបាយការបរទេសកាន់តែខ្លាំងក្លា មានការយកចិត្តទុកដាក់តិចបំផុតចំពោះខាងការទូត ឬក្តីបារម្ភក្នុងចំណោមសម្ព័ន្ធមិត្តរបស់សហរដ្ឋអាមេរិក។
នៅពេលត្រូវបានសួរក្នុងសន្និសីទសារព័ត៌មាននៅឯរមណីយដ្ឋាន Florida របស់គាត់ ថាតើគាត់នឹងធានាចំពោះពិភពលោកឬអត់ ថានឹងមិនប្រើប្រាស់កម្លាំងយោធា ឬវិធានការបង្ខិតបង្ខំសេដ្ឋកិច្ចនៅក្នុងការប៉ុនប៉ងដើម្បីទទួលបានការគ្រប់គ្រងព្រែកជីក Panama និង Greenland លោក Trump បានឆ្លើយតបថា “ទេ ខ្ញុំមិនអាចធានាអ្នកទាំងពីររឿងនេះបានទេ ប៉ុន្តែខ្ញុំអាចប្រាប់អ្នកថា យើងត្រូវការព្រែកប៉ាណាម៉ា និងកោះហ្គ្រីនឡែនដើម្បីស្ថិរភាពសេដ្ឋកិច្ច”។
លោក Trump ក៏បានរិះគន់អាមេរិកផងដែរ ចំពោះការបន្តចំណាយលើទំនិញកាណាដា និងផ្តល់ជំនួយផ្នែកយោធាដល់កាណាដាថែមទាំងនិយាយថា សហរដ្ឋអាមេរិកមិនទទួលបានអត្ថប្រយោជន៍ពីការធ្វើដូច្នេះទេ ហើយបានហៅព្រំដែនរវាងប្រទេសទាំងពីរថាជា «បន្ទាត់សិប្បនិមិត្ត»។
លោក Trump ក៏បានបញ្ជាក់ថា លោកនឹងដាក់ពន្ធលើប្រទេសដាណឺម៉ាក ប្រសិនបើប្រឆាំងនឹងការទិញកោះ Greenland ដែលគាត់បាននិយាយថាមានសារៈសំខាន់បំផុតចំពោះសន្តិសុខរបស់សហរដ្ឋអាមេរិក នេះជាទស្សនៈរបស់អនាគតប្រធានាធិបតីអាមេរិក បានកើតឡើងភ្លាមៗបន្ទាប់ពីកូនប្រុសរបស់គាត់ Donald Trump Jr. បានមកដល់ កោះGreenland ក្នុងដំណើរទស្សនកិច្ចឯកជន។
ទោះយ៉ាងណាក៏ដោយ ប្រទេសដាណឺម៉ាកបាននិយាយថាកោះ Greenland ដែលជាទឹកគ្រប់គ្រងដោយប្រទេស មិនមែនសម្រាប់លក់ទេ “ខ្ញុំគិតថាជាមធ្យោបាយដ៏មិនល្អមួយ” មកប្រយុទ្ធគ្នាតាមរយៈមធ្យោបាយហិរញ្ញវត្ថុ ដោយសារតែយើងជាសម្ព័ន្ធមិត្តជិតស្និទ្ធនិងជាដៃគូ» នាយករដ្ឋមន្ត្រីដាណឺម៉ាក លោក Mette Frederiksen បានមានប្រសាសន៍ថា៖ បាននិយាយកាលពីល្ងាចថ្ងៃអង្គារ (៧ មករា) ក្នុងការឆ្លើយតបទៅនឹងការលើកឡើងរបស់លោក Trump ។
ចំណែកMelanie Jolie រដ្ឋមន្ត្រីក្រសួងការបរទេសកាណាដា សរសេរនៅលើវេទិកាX ថានេះបង្ហាញពីការខ្វះខាតទាំងស្រុងនៃការយល់ដឹងអំពីអ្វីដែលធ្វើឱ្យប្រទេសកាណាដាក្លាយជាប្រទេសខ្លាំងសេដ្ឋកិច្ចរបស់យើង ហើយប្រជាជនរបស់យើងរឹងមាំ យើងនឹងមិនចុះចាញ់នឹងការគំរាមកំហែងណាមួយឡើយ»។
មន្ត្រីម៉ិកស៊ិក និងប៉ាណាម៉ា មិនទាន់ចេញមុខបកស្រាយទេ ប៉ុន្តែលោក José Raul Mulino ប្រធានាធិបតីប៉ាណាម៉ា កន្លងមក ខ្លួនបានច្រានចោលក្នុងការបញ្ចេញគំនិតអំពីព្រែកប៉ាណាម៉ាទៅលើការគ្រប់គ្រងរបស់សហរដ្ឋអាមេរិក ដែលខ្លួនធ្លាប់ជាម្ចាស់ព្រែកនេះមុនពេលប្រគល់ការគ្រប់គ្រងទៅប៉ាណាម៉ាក្នុងឆ្នាំ 1999
លោក Daniel Fire អតីតអ្នកការទូតអាមេរិក បច្ចុប្បន្នកំពុងធ្វើការនៅវិទ្យាស្ថានស្រាវជ្រាវក្រុមប្រឹក្សាអាត្លង់ទិក បាននិយាយថា ការអត្ថាធិប្បាយរបស់លោក Trump បានគូររូបភាពនៃអំណាចនៃប្រទេសដែលចង់ពង្រីកព្រំដែនរបស់ខ្លួន ហើយប្រៀបធៀប Trump ទៅនឹងចក្រពត្តិនិយមសតវត្សទី 19 ។
ក្នុងការដណ្តើមយក Greenland, Fire បាននិយាយថា “វានឹងបំផ្លាញ NATO” ព្រោះវាធ្វើឲ្យយើងមិនខុសពីប្រធានាធិបតីរុស្ស៊ី វ្ល៉ាឌីមៀ ពូទីន»។
Trump និយាយថាសមាជិកណាតូ ការចំណាយលើវិស័យការពារជាតិគួរតែមាន 5% នៃ GDP ដែលជាការកើនឡើងគួរឱ្យកត់សម្គាល់ពីកម្រិតគោលដៅបច្ចុប្បន្ន 2% “ខ្ញុំគិតថា NATO គួរតែមាន 5% ពួកគេអាចចំណាយបាន។ ពួកគេគួរតែបង់ 5% មិនមែន 2% ទេ។
លោក Trump ធ្លាប់ថាសោកស្ដាយចំពោះសមាជិកណាតូភាគច្រើន មិនបានបង់សមាមាត្រសមរម្យ និងបានលើកឡើងនូវគំនិតអំពាវនាវដល់សមាជិកណាតូឲ្យបង្កើនការចំណាយលើវិស័យការពារជាតិ ក្នុងអំឡុងពេលឃោសនាបោះឆ្នោត។
NATO រំពឹងថា ប្រទេសចំនួន 23 ក្នុងចំណោម 32 ប្រទេសជាសមាជិករបស់ខ្លួននឹងបំពេញតាមគោលដៅចំណាយលើវិស័យការពារជាតិ 2% នៃ GDP នៅឆ្នាំ 2024។
ព័ត៌មានរបស់អង្គការណាតូ បានរកឃើញថាគ្មានសមាជិកនៃសម្ព័ន្ធភាពយោធាណាមួយ ក្នុងនោះរួមមានសហរដ្ឋអាមេរិកដែលចំណាយ5%នៃ GDPឡើយ ខ្ពស់បំផុតប្រទេសប៉ូឡូញចំណាយ 5% នៃផលិតផលក្នុងស្រុកសរុបដែលមាន 4.12% នៃផលិតផលក្នុងស្រុកសរុបបន្ទាប់មកអេស្តូនីនៅ 3.43% និងសហរដ្ឋអាមេរិកនៅ 3.38% ។
Trump ក៏បានសង្កត់ធ្ងន់និងគំរាមកំហែងផងដែរថា “ឋាននរកនឹងផ្ទុះឡើងនៅមជ្ឈិមបូព៌ា” ប្រសិនបើហាម៉ាស ក្រុមប្រយុទ្ធប៉ាឡេស្ទីន មិនបានដោះលែងចំណាប់ខ្មាំងដែលពួកគេចាប់បានក្នុងអំឡុងពេលការវាយប្រហារលើអ៊ីស្រាអែលនៅថ្ងៃទី ៧ ខែតុលា ឆ្នាំ ២០២៣ ហើយកំពុងត្រូវបានឃុំខ្លួននៅក្នុងក្រុង Pasa ដដែល ឆាប់ចេញមកមុនពេលគាត់ចូលកាន់តំណែង“វាជារឿងមិនល្អសម្រាប់ក្រុមហាម៉ាស់ ហើយនិយាយចំៗ វានឹងមិនជារឿងមិនល្អ ចំពោះគ្រប់ភាគី»។
សូមចុចទស្សនាវីដេអូ https://apnews.com/article/trump-biden-offshore-drilling-gulf-of-america-fa66f8d072eb39c00a8128a8941ede75
ដោយ ៖សេនាមេឃ
(ប្រភព៖ Reuters)
