មានអង្គរក្សអាវសូត្រ锦衣卫Jǐnyīwèi ហើយហេតុអ្វី?ត្រូវមានអង្គរក្សតុងឆាង东厂 Dōng chǎng ទៀត ។
ក្នុងអំឡុងរាជវង្សមីង明朝Míng cháo នឹងមានភ្នាក់ងារសម្ងាត់រាយការណ៍ដោយផ្ទាល់ទៅព្រះចៅអធិរាជ ជាពិសេសដែលធ្លាប់ស្គាល់មាន2គឺ មានអង្គរក្សអាវសូត្រ និងតុងឆាង លើសពីនេះទៀតមាន ស៊ីឆាង និង ណឺឆាង ដែលត្រូវបានបង្កើតឡើងក្នុងរយៈពេលខ្លីនៅពាក់កណ្តាលរាជវង្សមីង។
ភ្នាក់ងារសម្ងាត់ដំបូងគេត្រូវបានបង្កើតឡើងគឺអង្គរក្សអាវសូត្រ锦衣卫(Embroidered Uniform Guard 锦衣卫指挥使司កងកំលាំងការពារមហាក្សត្រ) ត្រូវបានបង្កើតឡើងនៅឆ្នាំទី 15 នៃយុគសម័យមហាក្សត្រហ៊ុងវូ洪武帝 Hóng wǔdì ឆ្នាំ 1382 ក្នុងរជ្ជកាលរបស់រាជវង្សមីង明太宗 Míng tàizōng ។អង្គរក្សអាវសូត្រនៅក្រោមការគ្រប់គ្រងរបស់អធិរាជ ដើរតួជាអង្គរក្ស បង្ក្រាប និងកាត់ទោសសំណុំរឿង ដាច់ដោយឡែកស្ថាប័នដំណើរការយុត្តិធម៌ អ្នកដែលបានឮឈ្មោះអង្គរក្សអាវសូត្រនឹងភ័យស្លន់ស្លោ ក្នុងឆ្នាំ1387 អធិរាជជួយានចាង朱元璋 Zhūyuánzhāng បានដឹងច្បាស់ពីគ្រោះថ្នាក់នៃភ្នាក់ងារសម្ងាត់នេះ ដែលជាគ្រោះថ្នាក់ជាងផលប្រយោជន៍ ដូច្នេះក៏បានរំលាយចោល។
◼បន្ទាប់ពីជូជឺ 朱治Zhū zhì ដណ្តើមរាជបល្ល័ង្ក
គាត់បានសើរើភ្នាក់ងារអង្គរក្សអាវសូត្រឡើងវិញដើម្បីកម្ចាត់សត្រូវនយោបាយរបស់គាត់ ដូចដែលយើងដឹងស្រាប់ហើយអធិរាជ មីងឆឹងជូ 明成祖 Míng chéngzǔ បានទទួលរាជបល្ល័ង្កដោយខុសច្បាប់ពួកមន្ត្រីដែលប្រឆាំងនឹងការគ្រងរាជរបស់ទ្រង់នៅតែមានច្រើនណាស់ ការគ្រប់គ្រងមិនស្ថិតស្ថេរ ហើយមានពាក្យចចាមអារ៉ាមថា អធិរាជ 建文帝 Jianwen ក្មួយប្រុសរបស់ទ្រង់មិនទាន់ស្លាប់ទេ។
◼មុនពេលយ៉ុងលឺ 永乐 Yǒnglè ឆ្នាំទី 18 ពស 1420 មធ្យោបាយដែលជូជឺ 朱治Zhū zhì ប្រើដើម្បីកម្ចាត់សត្រូវនយោបាយ និងពួកមន្ត្រីដែលប្រឆាំងនឹងទ្រង់គឺភ្នាក់ងារអង្គរក្សអាវសូត្រ ប៉ុន្តែភ្នាក់ងារអង្គរក្សអាវសូត្រកាន់តែខ្លាំងឡើងៗពីមួយថ្ងៃទៅមួយថ្ងៃ អាចសម្លាប់មនុស្សដោយមិនស្តាប់បញ្ជារបស់អធិរាជ អាចហៅថាធ្វើហួសពីអំណាចរបស់ខ្លួន។
◼មនុស្សសំខាន់មួយក្រុមដែលបានជួយជួជឺ朱治Zhū zhì ទទួលបានជោគជ័យក្នុងការដណ្តើមយកទឹកដីពីខ្សែឈាមតែមួយ ហើយជាកម្លាំងដ៏សំខាន់បំផុតដែលបានជួយទ្រទ្រង់បល្ល័ង្ករបស់ទ្រង់គឺមហាតឡិកត្រូវបានគេចាត់ទុកថាបានផ្តល់ប្រយោជន៍យ៉ាងខ្លាំងដល់ ជួជឺ ទោះបីជាបិតារបស់គាត់ ដែលជាអតីតអធិរាជជួយានចាង朱元璋 បានបញ្ជាឱ្យពួកមហាតឡិកមិនជ្រៀតជ្រែកក្នុងនយោបាយក៏ដោយ ។ ប៉ុន្តែជូជឺមើលឃើញថាមនុស្សពិសេសទាំងនេះនឹងក្លាយជាមូលដ្ឋានគាំទ្ររបស់គាត់ ហើយជាមនុស្សគួរឲ្យទុកចិត្តជាងមន្ត្រីរាជការ។
? ដូច្នេះហើយ នៅក្នុងឆ្នាំទី 18 នៃយុគសម័យយ៉ុងលឺ 永乐 (ឆ្នាំទី 18 គ.ស 1420 ) មីងឆឹងជូ 明成祖បានបង្កើតភ្នាក់ងារពិសេសមួយហៅថាតុងឆាង东厂 Dōng chǎng ហើយបានចាត់តាំងមហាតឡិកដែលព្រះចៅអធិរាជទុកចិត្តបំផុតធ្វើជាមេបញ្ជាការ ក្រៅពីការបង្ក្រាបពួកប្រឆាំង តុងឆាងក៏បានឃ្លាំមើលនិងគ្រប់គ្រងអង្គរក្សអាវសូត្រ។ហើយក្រោយមកតុងឆាងបានក្លាយជាមជ្ឈមណ្ឌលនៃមនុស្សចិត្ត ឃោរឃៅនិងថោកទាបរបស់ពួកមនុស្សគ្មានលិង្គប្រព្រឹត្តអំពើអាក្រក់គ្រប់បែបយ៉ាង។
◾ក្នុងយុគសម័យឆឹងហ័រ 成化Chéng huà ក្នុងឆ្នាំពស 1477 មីងសៀនចុង 明憲宗Míng xiànzōng បានបញ្ជាឱ្យមហាតឡិកវ៉ាំងជឺ បង្កើតភ្នាក់ងារសម្ងាត់ពិសេសមួយទៀតឈ្មោះថាស៊ីឆាង 西厂 Xī chǎng ដែលមានកម្រិតអំណាចខ្លាំងជាងតុងឆាង ត្រូវបានរំលាយវិញក្នុងរយៈពេលយ៉ាងខ្លី។
◾ហើយក្នុងរជ្ជកាលរបស់មីងអ៊ូចុង明武宗帝 Míng wǔzōng dì មហាតឡិកលីវជីន劉瑾Liújǐn បានបង្កើតភ្នាក់ងារស្រដៀងគ្នាមួយទៀតគឺ ណីហាងឆាង 内行厂Nèiháng chǎng ដែលត្រូវបានលុបចោលជាមួយនឹងការស្លាប់របស់លីវជីន劉瑾 ។
? ហេតុអ្វីបានជាភ្នាក់ងារទាំងនេះគួរឱ្យខ្លាច និងធ្វើឱ្យប្រជាពលរដ្ឋមានការភ័យខ្លាច? ព្រោះបានក្លាយជាមធ្យោបាយឃៅរឃៅរបស់មនុស្សពិសេសហៅថាមហាតឡិកដើម្បីកំចាត់អ្នកដែលបង្កការគំរាមកំហែងដល់ពួកមហាតឡិកគ្មានលិង្គនិងប្រើប្រាស់ជាបណ្តាញបង្កើតប្រាក់ចំណូលខុសច្បាប់នៅក្នុងប្រទេសចិន។
អត្ថបទដោយ ៖ សេនាមេឃ
ប្រភព ៖ amez Wenzong 文宗
